The news is by your side.

Advertisement

غربت پاکستان میں زیادہ یا بھارت میں؟ عالمی رپورٹ جاری

گلوبل ہنگر انڈیکس 2021 کی رپورٹ جاری ہو گئی ہے، بھوک اور افلاس کی صورت حال پر مبنی اس عالمی رپورٹ میں کہا گیا ہے کہ بھارت میں غربت پاکستان سے کہیں زیادہ ہے۔

گلوبل ہنگر انڈیکس کی رپورٹ کے مطابق بھارت کا درجہ پاکستان، بنگلا دیش اور نیپال سے نیچے چلا گیا ہے، 116 ممالک کی فہرست میں بھارت کا نمبر 94 سے بڑھ کر 101 ہو گیا، رپورٹ میں بھارت کے درجے کو تشویش ناک قرار دیا گیا ہے۔

دنیا میں چین، برازیل اور کویت میں بھوک و افلاس سب سے کم ہے اور ان تینوں ممالک کا درجہ پانچ سے نیچے ہے۔

گلوبل ہنگر انڈیکس میں کسی ملک کے اسکور کو چار اعشاریوں کے تحت ماپا جاتا ہے، جس میں پانچ برس سے کم بچوں کے اندر غذایت کی کمی، بچوں کا قد نہ بڑھنا اور ان کی اموات شامل ہیں۔

رپورٹ میں کہا گیا ہے کہ بھارت کے ہمسایہ ممالک پاکستان (92)، بنگلا دیش (76)، میانمار (71) اور نیپال (76) میں بھی صورت حال بہتر نہیں ہے، تاہم ان ممالک نے بھارت کے مقابلے میں اپنے شہریوں کو خوراک کے حوالے سے بہتر سہولیات دی ہیں۔

رپورٹ کے مطابق بھوک کے خلاف کی جانے والی کوششیں خطرناک حد تک کم ہوئی ہیں، جی ایچ آئی نے کہا ہے کہ خاص طور پر 47 ممالک 2030 تک بھوک کا درجہ کم کرنے میں ناکام رہیں گی۔

واضح رہے کہ دنیا کے کئی ممالک میں جاری کشمکش، موسمیاتی تبدیلیوں، کرونا وائرس اور معاشی و صحت کے مسائل کی وجہ سے فوڈ سیکیورٹی کا سامنا ہے۔

Comments

یہ بھی پڑھیں