The news is by your side.

Advertisement

شہر قائد میں ایک بار پھر بجلی اور پانی کا بحران : بیشتر علاقوں میں اندھیرے کا راج

کراچی : شہر قائد میں شدید گرمی کے ساتھ بجلی اور پانی کا بحران بھی برقرار ہے، شہریوں کو شدید گرمی میں ذہنی اذیت کا سامنا کرنا پڑا۔

تفصیلات کے مطابق کراچی کے مختلف علاقوں میں اعلانیہ اورغیراعلانیہ لوڈشیڈنگ کا سلسلہ جاری ہے، ملیر، شاہ فیصل کالونی، لانڈھی، قائدآباد اور لیاقت آباد کے مکین بجلی کی بندش سے پریشان ہیں۔

اس کے علاوہ نارتھ کراچی، سرجانی ٹاؤن، اورنگی ٹاؤن اور کورنگی میں بھی بجلی کا تعطل برقرار ہے، دھابےجی پمپنگ اسٹیشن پر بھی بجلی کا بریک ڈاؤن ہوا جس کے باعث شہر کے بیشتر علاقوں میں اندھیرا چھا گیا۔

علاوہ ازیں 72انچ قطرکی پائپ لائن پھٹ گئی، جس کی وجہ سے شہر کے مختلف علاقوں میں پانی کی فراہمی بند ہوگئی، دھابیجی پمپنگ اسٹیشن کی بجلی تاحال بحال نہ کی جاسکی۔

اس حوالے سے کےالیکٹرک ترجمان کا کہنا ہے کہ دھابیجی پمپنگ اسٹیشن پر بجلی بحالی کیلئے عملہ کام کررہا ہے، کام مکمل ہونے پر پمپنگ اسٹیشن پربجلی بحال کردی جائیگی۔

کےالیکٹرک ترجمان کا مزید کہنا ہے کہ نیشنل گرڈ میں ٹرپنگ سے بیشتر شہروں میں ٹرپنگ آئی ہے، بجلی کی جزوی بحالی کا عمل شروع کیا جاچکا ہے۔

Comments

comments

یہ بھی پڑھیں