The news is by your side.

Advertisement

کراچی کے مختلف علاقوں میں 24 گھنٹے سے بجلی کی فراہمی معطل

کراچی: شہر کے مختلف علاقوں میں گزشتہ 24 گھنٹوں سے بجلی کی فراہمی معطل ہے، بجلی کی عدم فراہمی پر مختلف علاقوں میں مظاہرے شروع ہو گئے۔

اے آر وائی نیوز کے مطابق کراچی کے علاقے لیاری میراں ناکہ میں 2 دن سے بجلی غائب ہے جس کی وجہ سے لوگ سخت مشکل میں ہیں، گلشن اقبال بلاک 13 ڈی میں بھی بجلی غائب ہے جس پر اہل علاقہ نے احتجاج کیا۔

گلستان جوہر میں بھی بجلی کی لوڈ شیڈنگ کے خلاف احتجاج کیا جا رہا ہے، بجلی کے ستائے احتجاجی مظاہرین نے کورنگی ایکسپریس وے بند کر دی۔

بارشوں کا ساتواں اسپیل، کراچی والے ایک بار پھر تیار ہوجائیں

ادھر ترجمان کے الیکٹرک نے کہا ہے کہ شہر میں پانی کی سطح کم ہونے کے ساتھ متاثرہ علاقوں میں بجلی بحالی تیزی سے جاری ہے، پچھلے چند گھنٹوں میں 150 سے زائد فیڈرز پر بحالی کا کام کیا گیا۔

ترجمان کے الیکٹرک کے مطابق ویسٹ وہارف، فشریز، سائٹ، سپر ہائی وے، نارتھ کراچی میں بجلی بحال کر دی گئی ہے، ایف بی ایریا، رضویہ سوسائٹی، پی ای سی ایچ ایس کے متعدد علاقوں میں بھی بجلی بحال ہو گئی ہے۔

کے الیکٹرک کا کہنا ہے کہ ڈیفنس، کلفٹن اور دیگر متاثرہ علاقوں میں بارش کے پانی کی نکاسی کے ساتھ بحالی کا کام جاری ہے، بجلی بحالی کے لیے متعلقہ اداروں کے ساتھ مسلسل رابطے میں ہیں۔

Comments

یہ بھی پڑھیں