The news is by your side.

کنڈے لگا کر چوری کی بجلی استعمال کرنے والے ہوجائیں ہوشیار!

اسلام آباد : حکومت نے بجلی چوروں کیخلاف اسپیشلائزڈ فورس بنانے کا فیصلہ کرلیا، اسپیشلائزڈفورس گلی محلوں میں کنڈا کلچر کا خاتمہ کرے گی۔

تفصیلات کے مطابق حکومت اربوں روپے کی بجلی چوری کی روک تھام کے لئے ایک اور تدبیرسامنے لے آئی اور بجلی چوروں کیخلاف اسپیشلائزڈ فورس بنانے کا فیصلہ کرلیا۔

ذرائع نے کہا ہے کہ وفاقی کابینہ سےاسپیشلائزڈفورس کے قیام کی منظوری لی جائے گی، اسپیشلائزڈ فورس بجلی چوری کی روک تھام کےساتھ ریکوری بھی یقینی بنائے گی۔

ذرائع کا کہنا ہے کہ اسپیشلائزڈفورس گلی محلوں میں کنڈا کلچر کا خاتمہ کرےگی، یہ فورس بجلی چوری میں ملوث ملزمان کی خلاف کارروائی کرنے کی اہل ہوگی۔

ذرائع کے مطابق اسپیشل فورس انڈسٹریل یونٹس میں بھی بجلی چوری کیخلاف کارروائی کرے گی، اسپیشلائزڈ فورس کواس حوالے سے خصوصی تربیت فراہم کی جائے گی۔

ذرائع نے بتایا کہ وفاقی کابینہ سے باضابطہ منظوری کے بعد ہی اس فورس کا قیام عمل میں لایا جائے گا۔

Comments

یہ بھی پڑھیں