سوشل میڈٰیا پر آئے روز نت نئی ویڈیوز وائرل ہوتی رہتی ہیں جنہیں دیکھ کر لوگ خوفزدہ ہوجاتے ہیں۔
امریکی ریاست پنسلوانیا میں ایک طاقتور بگولے کی ویڈیو وائرل ہورہی ہے جس میں دیکھا جاسکتا ہے کہ ایک تیز رفتار ٹرک کو پیچھے کی جانب دھکیل دیا جس کی ویڈیو دیکھ کر لوگ دنگ رہ گئے۔
اے بی سی نیوز کے مطابق طوفان کے دوران اس علاقے میں ہوا کی رفتار 130 میل کی گھنٹہ تک پہنچ گئی تھی۔
مذکورہ ویڈیو ایک کار کے ڈیش بورڈ کیمرے میں محفوظ ہوگئی، تیز ہواؤں کے دوران درختوں کو جھومتے ہوئے دیکھا جاسکتا ہے جیسے ہی ہواؤں نے رفتار پکڑی تو ٹرک کو بھی پلٹنے پر مجبور کردیا اور سڑک پر ٹرک ٹکراتا رہا۔
اس ویڈیو کو یوٹیوب پر کارل بیئر نے شیئر کیا تھا جو خوش قسمتی سے صرف معمولی چوٹوں کے ساتھ حادثے سے بچ گیا تھا۔
اس نے دوسروں پر زور دیا کہ وہ طوفان کی وارننگ کو سنجیدگی سے لیں، براہ کرم بگولے کی وارننگ پر عمل کریں یہاں تک کہ اگر آپ ٹورنیڈو گلی میں نہیں ہیں۔”
مسٹر بیئر نے مزید کہا کہ اس شخص کو اس کے ٹرک سے باہر نکالنے میں مدد ملی۔
ویڈیو پر سوشل میڈیا صارفین کی جانب سے مختلف تبصرے کیے جارہے ہیں، ایک صارف نے لکھا کہ یہ خوفناک تھا بالکل خوفناک، ایک اور صارف نے لکھا کہ میں یہاں قریب رہتا ہوں، تباہی دل دہلا دینے والی تھی۔
