The news is by your side.

Advertisement

جھنگ: پی پی 78میں ضمنی انتخاب،پولنگ جاری

جھنگ: صوبہ پنجاب کے شہر جھنگ میں پی پی 78کے ضمنی انتخاب کے لیے پولنگ کاعمل شروع ہوچکا ہےجو شام پانچ بجے تک جاری رہے گا۔

تفصیلات کےمطابق حلقہ پی پی 78 کے ضمنی انتخاب میں ایک خواجہ سرا سمیت 25 امیدوار میدان میں ہیں۔ضمنی انتخاب میں مسلم لیگ ن کے آزاد ناصر انصاری اورآزاد امیدوار مولانا مسرور نواز کے درمیان کانٹےکا مقابلہ متوقع ہے۔

جھنگ حلقہ پی پی78 میں پاکستان پیپلزپارٹی کے سرفراز ربانی،تحریک انصاف کے شیخ ارفع مجید اور عوامی تحریک کے نسیم قادری کے علاوہ خواجہ سرا محمد عارف عرف بوٹا بھی امیدواروں میں شامل ہے۔

حلقے میں رجسٹرڈ ووٹرز کی تعداد 2لاکھ 6ہزار 562 ہے جن میں ایک لاکھ 8ہزار 627 مرد اور 97ہزار 935 خواتین ووٹرز شامل ہیں۔

صوبائی اسمبلی کی نشست حلقہ پی پی78میں 171 پولنگ اسٹیشنز بنائے گئے ہیں اور تمام کو حساس قرار دیا گیا ہےجبکہ سیکیورٹی کےلیے پاک فوج،رینجرز کے711اہلکاروں کےعلاوہ پولیس کے دوہزار اہلکار ڈیوٹی پر تعینات ہیں۔

واضح رہے کہ پی پی 78کی یہ نشست سابقہ ن لیگی رکن صوبائی اسمبلی راشدہ یعقوب شیخ کی سپریم کورٹ سے نااہلی کے بعد خالی ہوئی تھی۔

Print Friendly, PDF & Email

Comments

comments

یہ بھی پڑھیں