پنجاب کے حلقہ پی پی 7 راولپنڈی پر ووٹوں کی دوبارہ گنتی کل ہو گی۔
تفصیلات کے مطابق آر او نے کل ساڑھے 11 بجے تمام امیدواروں کو طلب کر لیا۔ امیدوارون یا ان کے نمائندگان کے سامنے دوبارہ گنتی کی جائے گی
پی ٹی آئی کے شبیر اعوان نے راجہ صغیر کی کامیابی کو چیلنج کیا تھا۔ ن لیگ کےراجہ صغیر احمد نے 68 ہزار 906 ووٹ حاصل کیےتھے۔
پی پی 7 سے پی ٹی آئی کے شبیر اعوان نے 68 ہزار 857 ووٹ لیے تھے۔
تحریک انصاف نے پنجاب میں میدان مارلیا اور پی ڈی ایم امیدواروں کوشکست دے دی، پی ٹی آئی نے بیس میں سے پندرہ نشستوں پر کامیابی حاصل کی۔
غیرسرکاری نتائج کے مطابق مسلم لیگ ن چارنشستوں پر کامیاب ہوئی جبکہ ایک نشست پر آزاد امیدوار نے کامیابی حاصل کی۔
پنجاب میں حکومت بنانے کیلئے پی ٹی آئی نے مطلوبہ گولڈن نمبرایک سوچھیاسی عبورکرلیا ہے ، پنجاب میں ق لیگ کی سیٹیں ملا کر پی ٹی آئی کے پاس نشستوں کی تعداد ایک سواٹھاسی ہوگئیں۔
