site
stats
بزنس

کندھ کوٹ سے نکلنے والی گیس فروخت کرنے کا معاہدہ

ppl agreement

کندھ کھوٹ: پاکستان پیٹرولیم لمیٹڈ (پی پی ایل) اور سینٹرل پاور جنریشن کمپنی کے درمیان کندھ کوٹ سے نکلنے والی گیس کی فروخت کا معاہدہ طے پا گیا۔

تفصیلات کے مطابق پاکستان پیٹرولیم لمیٹڈ اور سینٹرل پاور جنریشن کمپنی کے درمیان جینکوII سے یومیہ 200 ایم ایم ایس سی ایف گیس کی فروخت کا معاہدہ طے پا گیا، معاہدے پر ایم ڈی اور سی ای او پی پی ایل سید وامق بخاری اور سی پی جی سی ایل کے سی ای او محمد ایّوب انصاری نے دستخط کیے۔

ترجمان پی پی ایل کے مطابق 72.5 فیصد ‘ لو یا ادا کرو’ کے عہد کے ساتھ مکمل ملکیت کندھ کوٹ گیس فیلڈ سے جینکوII کے گدو تھرمل پاور اسٹیشن، ضلع کشمور کو فروخت کرنے کا معاہدہ کیا ہے۔

پی پی ایل اور حکومت  کے درمیان ستمبر 2016 میں طے پایا تھا جس کے تحت جینکوII کو گیس کی فروخت کے ساتھ ساتھ پی پی ایل، سوئی ناردرن گیس پائپ لائنز کو بھی یومیہ 50 ایم ایم ایس سی ایف تک گیس فراہم کر رہی ہے جوکہ گڈو تھرمل پاور اسٹیشن کو ہی دی جاتی ہے۔

پی پی ایل نے پرانی فیلڈ میں گیس کی پیداوار کو یومیہ 90 ایم ایم ایس سی ایف تک بڑھایا جو گڈو پاور اسٹیشن کو فراہم کی جارہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top