The news is by your side.

Advertisement

شہباز شریف اورخورشید شاہ کی کوششیں کامیاب ، پیپلزپارٹی پی ڈی ایم میں واپسی پر رضامند

لاہور : پیپلزپارٹی پی ڈی ایم میں واپسی پرراضی ہوگئی، فضل الرحمان اور پی پی میں صلح کرانے میں شہبازشریف اور خورشید شاہ نے اہم کرداراداکیا۔

تفصیلات کے مطابق پیپلزپارٹی پی ڈی ایم میں واپسی پرراضی ہوگئی، ذرائع کا کہنا ہے کہ شہبازشریف اورخورشیدشاہ نے اہم کرداراداکیا، شہباز شریف ،خورشید شاہ نے فضل الرحمان اور پی پی میں صلح کرائی ، فضل الرحمان ،خورشید شاہ میں ہونیوالی ملاقات نے ناراضگیاں دور کر دیں۔

خورشیدشاہ فارمولے پر عملدرآمد کے لیے شہباز شریف متحرک ہیں ، ذرائع نے کہا ہے کہ پی ڈی ایم ان ہاؤس چینج، لانگ مارچ ،استعفوں پرمرحلہ وار عمل کرے گی جبکہ عمران خان حکومت کو مزید وقت نہ دینے کا اصولی فیصلہ کیا ہے۔

شہباز شریف کا کہنا ہے کہ ضرورت پڑنے پر نواز شریف وطن واپس آ جائیں گے۔

ذرائع کے مطابق ن لیگ کامزاحتمی گروپ پیپلز پارٹی کی پی ڈی ایم میں واپسی پرخوش نہیں، بلاول بھٹو اور پیپلز پارٹی نےنوازشریف کوبےجاتنقیدکانشانہ بنایا،مزاحمتی گروپ کا کہنا ہے کہ نوازشریف کی بیماری کا حکومت اور پیپلز پارٹی نے مذاق اڑایا۔

خیال رہے پیپلز پارٹی کے چیئرمین بلاول بھٹو زرداری اور مولانا فضل الرحمان کے درمیان آج ملاقات طے پاگئی ہے ، جس میں حکومت مخالف تحریک اور مہنگائی کے بعد کی صورتحال پر بات چیت ہوگی۔

Comments

یہ بھی پڑھیں