تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

پیپلز پارٹی کی اے آر وائی نیوز ٹیم پر حملے پر معذرت، اے این پی کی مذمت

پشاور: پاکستان پیپلز پارٹی نے بٹ خیلہ پی ڈی ایم جلسے کے دوران اے آر وائی نیوز ٹیم پر حملے کے لیے معذرت کر لی ہے، جب کہ اے این پی نے حملے کی مذمت کی۔

تفصیلات کے مطابق آج خیبر پختون خوا کے شہر بٹ خیلہ میں اے آر وائی نیوز کی ٹیم پر پی ڈی ایم کارکنوں نے حملہ کیا، جس پر پیپلز پارٹی کی جانب سے معذرت کی گئی، سینیٹر روبینہ خالد نے کہا کہ ہم کارکنان کے اے آر وائی نیوز ٹیم پر حملے پر معذرت خواہ ہیں۔

عوامی نیشنل پارٹی نے بھی اے آر وائی نیوز ٹیم پر حملے کی مذمت کی، اے این پی کی رہنما ثمر بلور نے کہا کہ ہم اے آر وائی نیوز کی ٹیم پر حملے کی مذمت کرتے ہیں۔

مالاکنڈ جلسہ: پی ڈی ایم کارکنوں کا اے آر وائی نیوز کی ٹیم پر تشدد

واضح رہے کہ آج خیبر پختون خوا کے ضلع مالاکنڈ کے شہر بٹ خیلہ میں پی ڈی ایم کے جلسے میں کارکنوں نے اے آر وائی نیوز کی ٹیم پر حملہ کر کے انھیں تشدد کا نشانہ بنایا، مشتعل افراد نے اے آر وائی نیوز کے عملے کو زد و کوب کیا، اور ڈی ایس این جی وین پر پتھر پھینکے اور ڈنڈے برسائے۔

پی ڈی ایم کے مشتعل کارکنوں کے حملے میں اے آر وائی نیوز کی گاڑی کو نقصان پہنچا، اور کیمرہ مین آپریٹر کو تشدد کا نشانہ بنایا گیا۔

صوبائی وزیر شوکت یوسفزئی نے بھی واقعے کی مذمت کرتے ہوئے کہا پی ڈی ایم کی لیڈر شپ اور جلسے بری طرح پٹ چکے ہیں، لیکن جلسوں کی حقیقت بتانے پر انھیں برا لگتا ہے، اے آر وائی نیوز سب سے زیادہ دیکھا جانے والا چینل بن چکا ہے، یہ آزادی صحافت کا علم بردار چینل ہے۔

Comments

- Advertisement -