The news is by your side.

Advertisement

پارٹی رہنما آئی ایس پی آرسے متعلق بیانات نہ دیں،زرداری

دبئی : پیپلز پارٹی کے شریک چیئرمین آصف علی زرداری نے پارٹی رہنماؤں کو پاک فوج کے بیان پر ردعمل دینے سے روک دیا۔

پاکستان پیپلزپارٹی کے شریک چیئرمین اور سابق صدر آصف علی زرداری نے پیپلزپارٹی کے بعض رہنماؤں کے آئی ایس پی آر سے متعلق بیانات کا نوٹس لے لیا ہے اور فوری طور پر پارٹی رہنماؤں کو اس سلسلے میں بیان دینے دے روک دیا گیا ہے.

سابق صدرکی پولیٹکل سیکریٹری رخسانہ بنگش کا کہنا ہے کہ پارٹی کے شریک چیئرمین نے پارٹی رہنماؤں کے بیانات کا نوٹس لیا ہے، ان کا کہنا ہے کہ آئی ایس پی آر بیان سے متعلق پارٹی رہنماؤں کے بیانات پارٹی پالیسی کاحصہ نہیں، انہوں نے کہا کہ حکومت کی حمایت کرنے یا نہ کرنے کا فیصلہ صرف پارٹی کی سینٹرل ایگزیکٹو کمیٹی ہی کرے گی.

واضح رہے آرمی چیف کی زیر صدارت کورکمانڈر کانفرنس کے بعد آئی ایس پی آر نے پریس ریلیز جاری کیا تھا، جس میں‌ کہا گیا تھا کہ حکومت کو امن کے لیے گورننس بھی بہتر کرنا ہوگی، جس پر سیاسی رہنماؤں کی جانب سے شدید تنقید سامنے آئی تھی۔

Print Friendly, PDF & Email

Comments

comments

یہ بھی پڑھیں