پیپلزپارٹی امیدواروں پر تحریک انصاف میں شمولیت کیلئے دباؤ کا انکشاف خورشید شاہ کا آصف زرداری کو خط
The news is by your side.

Advertisement

پیپلزپارٹی امیدواروں پر تحریک انصاف میں شمولیت کیلئے دباؤ کا انکشاف

کراچی : پیپلز پارٹی کے امیدواروں پر بھی دوسری جماعتوں میں شامل ہونے کیلئے دباؤ ڈالے جانے کا انکشاف ہوا ہے، جس کی شکایت خورشید شاہ نے آصف زرداری کو خط لکھ کر کردی ہے۔

تفصیلات کے مطابق پیپلز پارٹی کے رہنما اور قومی اسمبلی میں سابق قائد حزب اختلاف سید خورشید شاہ نے آصف علی زرداری کو ایک خط کے ذریعے آگاہ کیا ہے کہ کچھ حلقوں کی جانب سے پیپلزپارٹی امیدواروں پر تحریک انصاف میں شمولیت کیلئے دباؤ ڈالا جارہا ہے۔

اس حوالے سے ذرائع کا کہنا ہے کہ خورشید شاہ نے اپنے خط میں کہا ہے کہ پیپلز پارٹی کے امیدواروں نے شکایت کی ہے کہ ان پر پارٹی چھوڑنے کیلئے دباؤ ڈالا جا رہا ہے۔

ذرائع کے مطابق جمعرات کو نوڈیرو ہاؤس میں ہونے والے پیپلزپارٹی کے اجلاس میں اس دباؤ کا ذکر زیربحث رہا، اس کے علاوہ  بلاول بھٹو کی زیر صدارت اجلاس میں بھی خورشید شاہ کےخط کا ذکر کیا گیا۔

مزید پڑھیں: الیکشن کمیشن ہر صورت میں صاف شفاف انتخابات کا انعقاد یقینی بنائے، مولا بخش چانڈیو

ذرائع کا مزید کہنا ہے کہ سابق وزیر اعظم سید یوسف رضا گیلانی بھی آصف زرداری کو مختلف حلقوں کی جانب سے  امیدواروں پردباؤ ڈالنے کی شکایات کرچکے ہیں، دوسری جانب پی پی چیئرمین بلاول بھٹو زرداری نے امیدواروں کو کسی بھی قسم کا دباؤ قبول نہ کرنے اور ڈٹ کر انتخابات لڑنے کی ہدایت جاری ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

Comments

comments

یہ بھی پڑھیں