اسلام آباد: وزیراعظم عمران خان کے قائم کردہ ہائی پاور انکوائری کمیشن کوایک اور اہم کیس بھجوا دیا گیا.
تفصیلات کے مطابق پی پی دور کی مالی بے ضابطگیوں کا ایک اور اسیکنڈل سامنے آیا ہے، جسے انکوائری کمیشن کو ارسال کردیا گیا.
نیشنل ہائی وےاتھارٹی کی جانب سےاسکینڈل کی تفصیلات بھجوائی گئی ہیں، اربوں روپے کا ملتان اور لاڑکانہ پیکج پیپلزپارٹی دورمیں دیا گیا تھا، جس میں خوردبرد کی اطلاعات ہیں.
موصولہ اطلاعات کے مطابق ٹھیکے حاصل کرنے والے کنٹریکٹر جعلی اکاؤنٹس کیس میں ملوث نکلے۔
کنٹریکٹر کو ملنے والا پیسہ جعلی اکاؤنٹس میں جمع کرایا جاتا تھا. جےآئی ٹی رپورٹ میں بھی ان کنٹریکٹرز کے نام آچکے ہیں.
مزید پڑھیں: ہائی پاورانکوائری کمیشن کو احسن اقبال کے خلاف پہلا کیس موصول
خیال رہے کہ وزیراعظم انکوائری کمیشن کو احسن اقبال کے خلاف بھی کیس موصول ہوا ہے. اس کمیشن کا اعلان وزیر اعظم نے قوم سے خطاب میں کیا تھا.
وزیر اعظم نے کہا تھا کہ اس کمیشن میں تفتیشی ایجنسیوں کے نمائندے شامل ہوںگے اور یہ گزشتہ دس برس میں لینے جانے والے قرضوں کے استعمال کی تفیتش کرے گا.
