پیپلز پارٹی صدر کے کردار پر نظر رکھے گی، بلاول بھٹو زرداری -
The news is by your side.

Advertisement

پیپلز پارٹی صدر کے کردار پر نظر رکھے گی، بلاول بھٹو زرداری

اسلام آباد: پاکستان پیپلز پارٹی کے چیئرمین بلاول بھٹو زرداری نے عارف علوی کو صدرِ پاکستان منتخب ہونے پر مبارک باد دی اور کہا کہ پی پی صدر کی حیثیت سے ان کے کردار پر نظر رکھے گی۔

ان خیالات کا اظہار انھوں نے میڈیا سے گفتگو کرتے ہوئے کیا، انھوں نے امید ظاہر کی کہ صدرِ پاکستان عارف علوی ریاست کے سربراہ کی حیثیت سے اپنی ذمہ داریاں پوری کریں گے۔

بلاول بھٹو نے پی ٹی آئی قیادت کو تنقید کا نشانہ بناتے ہوئے کہا ’تحریکِ انصاف کی قیادت نے پارلیمان اور ریاستی اداروں کی حیثیت کو گھٹایا ہے، قیادت کو ماضی کے کردار سے خود کو دور کرنا ہوگا۔‘

چیئرمین پی پی نے مطالبہ کیا کہ پارلیمنٹ کو اس کی حیثیت دینے کے لیے ایک کمیٹی بنائی جائے، جو 2018 کے انتخابات میں بد عنوانیوں کی تحقیقات کرے۔

بلاول بھٹو نے الیکشن کمیشن سے جاری فارم 45 کا فارنزک آڈٹ کرنے کا بھی مطالبہ کیا اور کہا کہ آر ٹی ایس کے فیل ہونے کی بھی تحقیقات کرائی جائیں۔


صدارتی انتخاب 2018: عارف علوی تیرہویں صدر پاکستان منتخب ہوگئے


خیال رہے کہ آج ملک میں ہونے والے صدارتی انتخاب میں پاکستان تحریکِ انصاف کے امیدوار عارف علوی پی پی کے اعتزاز احسن اور اپوزیشن کے مولانا فضل الرحمان کو شکست دیتے ہوئے تیرہویں صدرِ مملکت منتخب ہوگئے ہیں۔

Comments

comments

یہ بھی پڑھیں