The news is by your side.

Advertisement

بہت سے کیسز ہیں جس پر جمہوری فیصلے آئیں گے، بلاول بھٹو

کراچی: پیپلزپارٹی کے چیئرمین بلاول بھٹو نے کہا ہے کہ بہت سے کیسز ہیں جس پر جمہوری فیصلے آئیں گے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے کہا ہے کہ عدلیہ کی طرف سے کافی فیصلے آرہے ہیں، تاریخی فیصلے کیے جارہے ہیں جس کو ہم خوش آمدید کرتے ہیں۔

انہوں نے کہا کہ ایک جمہوری فیصلے سے جمہوریت نہیں آتی، جب تک ہر فیصلہ حق میں نہیں ہوگا تب تک جمہوریت نہیں آئے گی، ہمیں بینظیر شہید کیس میں انصاف ملے گا، اب 12 مئی کے کراچی شہدا کو انصاف ملے گا۔

بلاول بھٹو نے کہا کہ آصف زرداری کو کوئی الزام ثابت کیے بغیر حکومت نے قیدی بنایا، زرداری نے اپنے اصولوں پر کوئی سودا نہیں کیا، زرداری اور فریال تالپور کو ضمانت بھی مل گئی، ہم سب مل کر جدوجہد کریں گے، ملک بھر میں مہم چلائیں گے۔

مزید پڑھیں: جھوٹے مقدمات سے پارٹی کے جیالوں کو جھکایا نہیں جاسکتا، بلاول بھٹو زرداری

پیپلزپارٹی کے چیئرمین نے کہا کہ کسی کی کال پر پاکستان کی خارجہ پالیسی چلے گی، مشرف نے ایک فون کال پر خارج پالیسی کا فیصلہ لیا تھا، آپ بتائیں پرویز مشرف اور عمران خان میں کیا فرق ہے۔

بلاول بھٹو کا کہنا تھا کہ شہید ذوالفقار علی بھٹو کو کہا گیا نیوکلیئر پروگرام بند کرو لیکن انہوں نے پھانسی کا پھندا قبول کیا اور ملک کو ایٹمی قوت بنایا۔

واضح رہے کہ گزشتہ روز بلاول بھٹو کا کہنا تھا کہ جھوٹے مقدمات سے پیپلزپارٹی کے جیالوں کو ڈرایا دھمکایا اور جھکایا نہیں جاسکتا۔

Comments

یہ بھی پڑھیں