چترال: پاناما فیصلے کےبعد پیپلزپارٹی آج چترال میں سیاسی قوت کا مظاہرہ کرے گی۔ چیئرمین پیپلزپارٹی بلاول بھٹو جلسے سے خطاب کریں گے۔

تفصیلات کے مطابق پیپلزپارٹی آج چترال کے تاریخی پولو گراؤنڈ میں عوامی طاقت کا مظاہرہ کرے گی۔ چیئرمین بلاول بھٹو زرداری جلسے سے خطاب کریں گے۔

چترال میں جلسے کے حوالے سے تمام انتظامات کو حتمی شکل دے دی گئی ہے گراؤنڈ میں پارٹی کے پرچم، کیپ اور بیجز کے اسٹا بھی لگ گئے ہیں۔

جلسے سے خورشید شاہ ،اعتزاز احسن، نیئر بخاری بھی خطاب کریں گےجبکہ فرحت اللہ بابر، شیری رحمان،ندیم افضل چن اور دیگر بھی چترال پہنچ گئے۔

جلسے کےلیے ڈی جے کی خدمات حاصل کر لیں گئیں اورخصوصی ترانہ تیارکر لیا گیا جو جیالوں کا خون گرمائے گا۔ ترانہ پشتو میں گلوکارعثمان بنگش کی آواز میں تیار کیا گیا ہے،جلسے کےلیے 500 سے زائد پولیس اہلکار تعینات کیے گئے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments