The news is by your side.

Advertisement

پیپلزپارٹی کی چیئرمین سینیٹ کے خلاف تحریک عدم اعتماد لانے کی تیاریاں مکمل

اسلام آباد : پیپلزپارٹی نے چیئرمین سینیٹ صادق سنجرانی کے خلاف تحریک عدم اعتماد لانے کی تیاریاں مکمل کرلی، عدم اعتماد کی کامیابی پر یوسف رضا گیلانی چیئرمین سینیٹ کے امیدوار ہوں گے۔

تفصیلات کے مطابق چیئرمین سینیٹ صادق سنجرانی کے خلاف تحریک عدم اعتماد لانے کی تیاریاں مکمل کرلی گئیں ، ذرائع کا کہنا ہے کہ چیئرمین سینیٹ کےخلاف تحریک عدم اعتماد پیپلزپارٹی لائے گی۔

پی پی ذرائع نے بتایا کہ چیئرمین سینیٹ کےخلاف عدم اعتماد پر پارٹی مشاورت مکمل ہوگئی ہے اور آصف زرداری نےعدم اعتماد کےمعاملے پر سینئر قائدین کو منا لیا۔

ذرائع نے کہا ہے کہ آئینی ماہرین نےتحریک عدم اعتماد پرمشاورت مکمل کر لی ہے اور چیئرمین سینیٹ کےخلاف تحریک عدم اعتماد کامسودہ تیار کر لیا ہے۔

چیئرمین کے بعد ڈپٹی چیئرمین سینیٹ کے خلاف عدم اعتمادلائی جائےگی، عدم اعتماد کی کامیابی پر یوسف رضا گیلانی چیئرمین سینیٹ کے امیدوار ہوں گے۔

Comments

یہ بھی پڑھیں