The news is by your side.

Advertisement

پیپلز پارٹی نے سیاسی جماعتوں سے رابطوں کے لیے کمیٹی تشکیل دے دی

بلاول بھٹو اور آصف زرداری نے وفاق میں مخلوط حکومت کے لیے اتحاد کی تجویز مسترد کر دی ہے

لاہور: پاکستان پیپلز پارٹی نے سیاسی جماعتوں سے رابطوں کے لیے کمیٹی تشکیل دے دی، 7 رکنی کمیٹی یوسف رضا گیلانی کی سربراہی میں سیاسی جماعتوں کے سربراہان سے رابطے کرے گی۔

تفصیلات کے مطابق پی پی پی نے انتخابات کے نتائج سامنے آنے کے بعد نئی حکمت عملی کی تشکیل کے لیے سرگرمیوں کا آغاز کر دیا ہے، ہارنے والی جماعتوں کے ساتھ رابطوں کا سلسلہ بھی شروع ہو گیا ہے۔

کمیٹی میں پی پی کے سینئر رہنما خورشید شاہ، شیری رحمان، فرحت اللہ بابر، قمر زمان کائرہ، راجہ پرویز اشرف اور نوید قمر شامل کیے گئے ہیں، یہ کمیٹی پارلیمانی گروپوں اور سیاسی جماعتوں سے رابطے کرے گی۔

پاکستان پیپلز پارٹی کے مرکزی رہنما مولا بخش چانڈیو کہتے ہیں کہ پیپلز پارٹی پارلیمنٹ میں جمہوریت مستحکم کرنے میں حسبِ روایت اپنا کردار ادا کرے گی۔

الیکشن کمیشن نے انتخابات 2018 کے مکمل نتائج جاری کر دیے


دریں اثنا پیپلز پارٹی نے وفاق میں مخلوط حکومت کے لیے اتحاد کی تجویز مسترد کر دی ہے، ذرائع کا کہنا ہے کہ بلاول بھٹو اور آصف زرداری نے اتحادی حکومت بنانے کی تجویز ماننے سے انکار کر دیا ہے۔

واضح رہے کہ پاکستان تحریکِ انصاف کو پنجاب  اسمبلی میں 123 نشستیں ملی ہیں جب کہ مسلم لیگ ن 64 سیٹوں کے ساتھ دوسرے نمبر پر ہے، تازہ اطلاعات کے مطابق چار آزاد امیدواروں نے پی ٹی آئی میں شمولیت کا اعلان کر دیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں