اسلام آباد : پیپلزپارٹی نے پنجاب اسمبلی اسپیکرشپ نہ لینے کا فیصلہ کرتے ہوئے پنجاب کی پانچ وزارتوں میں دلچسپی کا اظہار کردیا۔
تفصیلات کے مطابق پنجاب میں اتحادی جماعتوں کے پاور شیئرنگ معاملات میں ن لیگ نے گورنر پنجاب تعیناتی پر پیپلز پارٹی کی نامزدگی سے انکار کردیا، پیپلزپارٹی نے سابق گورنر مخدوم احمدمحمود کو گورنر نامزد کیا تھا۔
ذرائع کا کہنا ہے کہ گورنرسےانکارکےبعدپی پی نے پنجاب اسمبلی سپیکرشپ حاصل نہ کرنےکافیصلہ کرلیا ، اسپیکرپنجاب اسمبلی کے عہدے میں اب پی پی کی دلچسپی نہیں۔
ذرائع پی پی نے کہا ہے کہ اسپیکرپنجاب کیخلاف ابھی تحریک عدم اعتماد پرووٹنگ ہونی ہے، ووٹنگ کا کیا فیصلہ ہوتا ہے کچھ پتہ نہیں، پی پی کو یقین ہے، منحرف ارکان نااہلی کی صورت میں حالات بدل سکتے ہیں۔.
ذرائع کے مطابق پیپلز پارٹی کی پنجاب میں 5 وزارتوں پرنظر ہے کیوںکہ گورنر اور اسپیکر کارکنوں کے کام نہیں کروا سکتے، ہم چاہیں گے کہ وزارتیں حاصل کرکے اپنے کارکنوں پرتوجہ دیں۔
ذرائع نے بتایا ہے کہ پاورشیئرنگ کاحتمی فیصلہ پی پی ، ن لیگ کی کمیٹی کااجلاس اسلام آباد میں ہوگا۔
