اسلام آباد: اپوزیشن اتحاد کو ایک اور دھچکا، پاکستان پیپلز پارٹی نے اپوزیشن کے مشترکہ اجلاس کا بائیکاٹ کردیا۔
ذرائع کے مطابق پیپلزپارٹی نے اپوزیشن کے مشترکہ اجلاس کے بائیکاٹ کا فیصلہ کیا ہے، اہم ترین اجلاس کے بائیکاٹ کی وجہ نون لیگ کا قومی اسمبلی میں رویہ قرار دیا گیا ہے۔
پی پی پی ذرائع کا کہنا ہے کہ بجٹ سیشن میں ن لیگ کا رویہ انتہائی غیر سنجیدہ رہا،پیپلزپارٹی قیادت کو شہباز شریف کے رویےسے شدید مایوسی ہوئی، ن لیگ کےغیر سنجیدہ رویے کےباعث حکومت نے بجٹ باآسانی پاس کرا لیا۔
ذرائع پی پی پی کا کہنا ہے کہ ن لیگ کے غیر سنجیدہ رویے سےحکومت کو کھل کر کھیلنےکا موقع ملا، نون لیگ کا بجٹ سیشن میں غیر سنجیدہ رویہ، اس کے بعد ہم مشترکہ اجلاس میں کیا کر لیں گے؟
ذرائع کا کہنا ہے کہ بجٹ منظوری کے دن شہباز شریف کی غیر موجودگی کا اپوزیشن کو نقصان ہوا، ایوان میں شہباز شریف کی غیر موجودگی سے اپوزیشن منتشر دکھائی دی۔
ذرائع کا کہنا ہے کہ اپوزیشن کا مشترکہ اجلاس قومی اسمبلی سیشن کےبعد منعقد ہونا تھا، جس کے انعقاد پر اب سوالیہ نشان لگ گیا ہے۔
واضح رہے کہ گذشتہ روز بجٹ منظوری کے وقت شہباز شریف سمیت 14لیگی اراکین ایوان سے غائب تھے۔
