پی پی وفد کی مولانا فضل الرحمان سے ملاقات، ڈیڈ لاک برقرار
The news is by your side.

Advertisement

پی پی وفد کی مولانا فضل الرحمان سے ملاقات، ڈیڈ لاک برقرار

اسلام آباد: پاکستان پیپلزپارٹی کے سینئر رہنما راجا پرویز اشرف کا کہنا ہے کہ کوشش کی جارہی ہے، متفقہ صدارتی امیدوار کے معاملے کا کوئی درمیانی راستہ نکل آئے.

ان خیالات کا اظہارا نھوں‌ نے مولانا فضل الرحمان سے ملاقات کے بعد میڈیا سے گفتگو کرتے ہوئے کیا.

راجا پرویز اشرف نے کہا کہ مولانا فضل الرحمان سے آج ملاقات کی ہے، کوشش ہے صدارتی امیدوار کے معاملے کا مثبت حل نکالا جائے، صدارتی انتخاب کے لئے گفت وشنید جاری ہے.

اس موقع پر مولانا فضل الرحمان نے کہا کہ آصف زرداری اور اعتزاز احسن سے ذاتی تعلقات ہیں، خواہش ہے صدارتی انتخاب کے لئے اپوزیشن کا متفقہ امیدوار ہو.


اعتزاز احسن ہی صدارتی امیدوار ہوں‌ گے، پیپلزپارٹی ڈٹ گئی، مولانا فضل الرحمان سے معذرت کا فیصلہ

مولانا فضل الرحمان نے کہا کہ ایک نکتہ طے ہونا باقی ہے کہ اپوزیشن کامشترکہ امیدوارکیسےلایا جائے، امید ہے کہ دو روز میں معاملے پر اتفاق رائے پیدا ہو جائے گا.

یاد رہے کہ آج آصف زرداری کی زیرصدارت پیپلزپارٹی کا مشاورتی اجلاس ہوا تھا، جس میں‌ تمام ارکان کی جانب سے اعتزازاحسن کا نام واپس لینے کی مخالفت کی گئی.

پی پی اجلاس میں فیصلہ کیا گیا کہ مولانا فضل الرحمان سے باضابطہ معذرت کر لی جائے، جس کے بعد پی پی وفد نے مولانا سے ملاقات کی۔

Comments

comments

یہ بھی پڑھیں