وفاق کے بعد پنجاب میں بھی ن لیگ کی مشکل میں اضافہ، پیپلز پارٹی کا حمایت سے انکار -
The news is by your side.

Advertisement

وفاق کے بعد پنجاب میں بھی ن لیگ کی مشکل میں اضافہ، پیپلز پارٹی کا حمایت سے انکار

لاہور: وفاق کے بعد پنجاب میں بھی مسلم لیگ ن کی مشکل میں اضافہ ہو گیا ہے، پاکستان پیپلز پارٹی نے صوبائی اسمبلی میں بھی حمایت سے انکار کر دیا۔

تفصیلات کے مطابق پیپلز پارٹی نے پنجاب کی صوبائی اسمبلی میں اسپیکر اور ڈپٹی اسپیکر کے انتخاب کے لیے مسلم لیگ (ن) کو ووٹ نہ دینے کا فیصلہ کر لیا ہے۔

پی پی کے صوبائی پارلیمانی رہنما حسن مرتضیٰ کا کہنا ہے کہ پیپلز پارٹی نے فیصلہ کیا ہے کہ ن لیگ کو پنجاب میں اسپیکر اور ڈپٹی اسپیکر کے لیے ووٹ نہ دیا جائے۔

پیپلز پارٹی کے رہنما نے کہا ’ہم نہ مسلم لیگ ن کو ووٹ دیں گے نہ ہی پی ٹی آئی کو، دونوں میں کوئی فرق نہیں، یہ جمہوریت سے ناواقف پارٹیاں ہیں۔‘

واضح رہے کہ پاکستان پیپلز پارٹی کے ترجمان چوہدری منظور نے کہا ہے کہ پیپلز پارٹی وفاق میں شہباز شریف کو وزارتِ عظمیٰ کے لیے ووٹ نہیں دے گی۔

شہباز شریف کو وزارتِ عظمیٰ کے لیے ووٹ نہیں دیں گے، چوہدری منظور

انھوں نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا ’وزارتِ عظمیٰ کے لیے ن لیگ کو 3 دن پہلے اپنے تحفظات سے آگاہ کر دیا تھا، ان سے کہہ دیا تھا کہ شہباز شریف کو ووٹ نہیں دیں گے۔‘

پیپلز پارٹی کے ترجمان نے اپوزیشن جماعتوں بالخصوص مسلم لیگ ن کے ساتھ اتحاد کی بھی تردید کرتے ہوئے کہا کہ اپوزیشن صرف انتخابات میں دھاندلی کے پوائنٹ پر اکھٹی ہوئی ہے۔

Comments

comments

یہ بھی پڑھیں