کراچی : پیپلزپارٹی کے رہنما مولابخش چانڈیو نے کہا کہ چوہدری نثاریہ لہجہ طالبان اورداعش کے خلاف استعمال نہیں کرتے جبکہ نثارکھوڑ نے کہا کہ وزیرداخلہ بیمارتھے تو میڈیکل سرٹیفکٹ دکھائیں۔
چوہدری نثار کی شعلہ بیانی پر مولا بخش چانڈیو کا کہنا تھا چوہدری نثار یہ لب و لہجہ طالبان یا داعش کے خلاف استعمال اس لیئے نہیں کرتے کیوں کہ ن لیگ طالبان کی احسان مند ہے۔
انہوں نے وزیراعظم کو مخاطب کرتے ہوئے کہا کہ جمہوریت کی قدر کریں اگر یہ جائے گی تو آپ کو نقصان ہوگا کیونکہ چوہدری نثار تو جلا وطن نہیں ہوں گے۔
مولا بخش چانڈیو کا کہنا تھا کہ آصف زرداری ملک سے بھاگے نہیں وہ جب چاہیں آجائیں گے اور انہیں واپس ملک میں آنے سے کون روکے گا جب کہ پیپلزپارٹی ہر وقت احتساب کے لیے کھڑی ہے اور ہمیں دھمکیوں سے ڈرانے والے احمقوں کی جنت میں رہتے ہیں۔
مولا بخش چانڈیو نے کہا کہ ابھی تو پارٹی شروع ہوئی ہے، چوہدری نثار جب تک تندرست ہیں بولیں گے، پیپلز پارٹی کے سینئر رہنما نثار کھوڑو نے کہا کہ وزیرداخلہ بیمار تھے تو اپنا میڈیکل سرٹیفکیٹ دکھائیں۔
شیری رحمان نے کہا اس وقت ضیا کے اورجناح کے پاکستان کےدرمیان جنگ ہے، سعید غنی نے کہا کہ بیت اللہ محسود کے مرنے پرچوہدری نثار کے چہرے پر جو درد تھا وہ پاکستان کے معصوم بچوں کےمرنے نہیں ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں