The news is by your side.

Advertisement

پیپلزپارٹی نے ہمیشہ عوام کی خدمت کی سیاست کی ہے، بلاول بھٹو

کراچی : بلاول بھٹو زرداری کا کہنا ہے کہ ہماری شکایت ہے کہ صوبوں کو ان کا حق نہیں دیا جارہا، اٹھارویں ترمیم کے باوجود صوبوں کو محروم رکھا جارہا ہے۔

ان خیالات کا اظہار پاکستان پیپلز پارٹی کے چیئرمین بلاول بھٹو زرداری نے پیپلز اسکوائر کی افتتاحی تقریب سے خطاب کرتے ہوئے کیا کہ، انہوں نے اس موقع پر پاکستان کی عوام کو 73 ویں یوم آزادی کی مبارک باد بھی پیش کی۔

بلاول بھٹو کا کہنا تھا کہ جہاں ہمارے جائز مطالبات ہوں گے وہاں احتجاج کا حق رکھتے ہیں، اٹھارویں ترمیم کے باوجود صوبوں کو محروم رکھا جارہا ہے، ہماری شکایت ہے کہ صوبوں کو ان کا حق نہیں دیا جارہا۔

انہوں نے کہا کہ این ایف سی ایوارڈ کے بعد صوبوں کو حق نہیں دیا جارہا۔

ان کا کہنا تھا کہ پیپلزپارٹی نے ہمیشہ عوام کی خدمت کی سیاست کی ہے، سندھ کے عوام کے مسائل حل کررہے ہیں۔

چیئرمین پیپلز پارٹی نے کہا کہ پیپلز اسکوائر منصوبے کےلیے ورلڈبینک سے قرضہ لیا گیا، کم وسائل کے باوجود عوام کو ریلیف دے رہے ہیں۔

چیئرمین بلاول بھٹو زرداری نے مزید کہا کہ ملیر میں بھی منصوبے شروع کیے جارہے ہیں، 30 ستمبر تک کئی منصوبوں پر کام شروع ہوجائے گا۔

Comments

یہ بھی پڑھیں