The news is by your side.

Advertisement

پی پی پی کی ایم کیو ایم کو سندھ حکومت میں شمولیت کی دعوت

پاکستان پیپلز پارٹی نے اتحادی جماعت متحدہ قومی موومنٹ کو سندھ حکومت میں شمولیت کی باضابطہ دعوت دے دی ہے۔

اے آر وائی نیوز کے مطابق پیپلز پارٹی کے اعلیٰ سطح وفد نے ایم کیو ایم کے مرکز بہادر آباد کا دورہ کیا جس میں پی پی نے ایم کیو ایم وفد ک سندھ حکومت میں شمولیت کی دعوت دی۔ پی پی وفد میں صوبائی وزرا ناصر حسین شاہ، سعید غنی ودیگر شامل تھے جب کہ ایم کیو ایم کی جانب سے کنوینر خالد مقبول صدیقی، عامر خان اور وسیم اختر موجود تھے۔

پی پی اور ایم کیو ایم ملاقات کے حوالے سے ذرائع نے ایم کیو ایم کو بتایا کہ ملاقات میں دونوں جماعتوں میں طے پانے والے معاہدے پر ہونے والی پیش رفت پر گفتگو ہوئی اور پی پی رہنماؤں نے ایم کیو ایم قیادت کو آصف زرداری اور بلاول بھٹو کا پیغام پہنچایا۔

ذرائع کے مطابق ملاقات میں فیصلہ کیا گیا کہ پی پی کی دعوت پر ایم کیو ایم کا وفد جلد آصف علی زرداری اور بلاول بھٹو سے ملاقات کریگا۔ ملاقات میں ایم کیو ایم کے تیار بلدیاتی ڈرافٹ پر بھی تبادلہ خیال کیا گیا اور تمام متعلقہ اتھارٹیز کو میئر کے ماتحت کرنے کے معاملے پر بھی بات چیت ہوئی۔

ذرائع نے بتایا کہ پی پی وفد نے ایم کیو ایم کو سندھ کابینہ میں باقاعدہ شمولیت کی دعوت دیتے ہوئے متحدہ کو ہائر ایجوکیشن اور انڈسٹریز کے محکمے دینے کی پیشکش کی۔ اسکے علاوہ پی پی نے صوبائی مالیاتی کمیشن پر عملدراآمد کرنے کی شق پر بھی آمادگی ظاہر کی اور میونسپل فنکشن کونسلرز کو دینے پر بھی رضامندی کا اظہار کیا۔

ذرائع کے مطابق ملاقات میں ایم کیو ایم کی نسرین جلیل کی بطور گورنر سمری پر اٹھنے والے اعتراضات پر بھی غور کیا گیا۔

Comments

یہ بھی پڑھیں