The news is by your side.

Advertisement

پی پی کراچی میں مصنوعی اکثریت کیلئے ایک اور ضلع بنارہی ہے، فاروق ستار

کراچی : ڈاکٹر فاروق ستار نے سندھ حکومت کے اقدام کی مخالفت کرتے ہوئے وزیراعظم اور چیف جسٹس سے سندھ حکومت کو کراچی میں فوری ساتواں ضلع بنانے سے روکنے کا مطالبہ کردیا۔

تفصیلات کے مطابق ایم کیو ایم تنظیم بچاؤ کمیٹی کے سربراہ ڈاکٹر فاروق ستار نے سندھ حکومت کی جانب سے اہل کراچی تقسیم کے اس فیصلے کو مسترد کرتے ہوئے کہا ہے کہ کراچی کی تقسیم کا فیصلہ متعصبانہ اور کراچی دشمنی پر مبنی ہے۔

فاروق ستار کا کہنا تھا کہ سندھ کابینہ نے کراچی کی مزید تقسیم کا فیصلہ کیا، مراد علی شاہ کی سربراہی میں کراچی کی تقسیم کا فیصلہ کیا گیا۔

ان کا کہنا تھا کہ پیپلز پارٹی نے 12 سالوں سے اختیارات کا غلط استعمال کیا، پیپلزپارٹی نے وسائل پر قبضہ کرکے شہر پر توجہ نہیں دی اور اب کراچی کو اپنی کالونی بنانے کا عمل کررہی ہے۔

ایم کیو ایم تنظیم بچاو کمیٹی کے سربراہ کا کہنا تھا کہ ڈپٹی کمشنرز اور افسران کے ذریعے عوام کو غلام بنایا جارہا ہے، بنیادی حقوق غضب کرنے کےلیے اقدامات کیے جارہے ہیں، پیپلز پارٹی کراچی کے تقسیم در تقسیم عمل کرنے پر کار فرما ہے، کراچی کو وڈیروں کی نو آبادیاتی کالونی بنانے کی سازش کی جارہی ہے۔

انہوں نے کہا کہ مینڈیٹ نہ ہونے کے باوجود کراچی کو آمرانہ اقدامات سے چلایا جارہا ہے، پیپلزپارٹی اپنے خلاف اٹھنے والی آواز کو دبانے کی کوشش کررہی ہے، سندھ حکومت لڑاو، تقسیم کرو اور حکومت کرو کے نظام پر کاربند ہے۔

فاروق ستار نے وزیراعظم، چیف جسٹس سے مطالبہ کیا ہے کہ پیپلز پارٹی کے اقدامات کا نوٹس لیتے ہوئے سندھ حکومت کو کراچی میں فوری ساتواں ضلع بنانے سے روکا جائے۔

ڈاکٹر فاروق ستار نے کہا کہ کراچی کے ساتھ سندھ حکومت کا رویہ سوتیلی ماں جیسا ہے، سہ جماعتی اجلاس میں سابق میئر کی حیثیت سے نہیں بلایا گیا، اجلاس کےلیے مصطفیٰ کمال کو بلایا گیا لیکن مجھے دعوت نہیں دی گئی، مصطفیٰ کمال کو اگر بلایا تو پھر کمیٹی میں کیوں نہیں شامل کیا گیا۔

صطفیٰ کمال نے کراچی میں ساتویں ضلع کا اعلان مسترد کردیا، پی ایس پی کل احتجاج کرے گی

انہوں نے کہا کہ پیپلز پارٹی کی مذموم اور متعصابہ عزائم ہیں، کراچی کو 6 اضلاع میں تقسیم کیا جاچکا ہے اب ساتواں ضلع بنارہے ہیں، بلدیاتی الیکشن میں زبردستی جنوبی، ملیر میں پی پی نے کامیابی لی اور اب ایک اور ضلع بناکر پی پی کراچی میں مضنوعی اکثریت چاہتی ہے۔

ایم کیو ایم تنظیم بچاو کمیٹی کے سربراہ ڈاکٹر فاروق ستار کا مزید کہنا تھا کہ لیاری اور ملیر میں پی پی نے کون سی دودھ کی نہریں بہادی ہیں۔

Comments

یہ بھی پڑھیں