تازہ ترین

چیف جسٹس کے خلاف ہتک آمیز تقریر، پی پی رہنما گرفتار

اسلام آباد: فیڈرل انویسٹی گیشن ایجنسی (ایف آئی اے) نے چیف جسٹس کے خلاف ہتک آمیز تقریر کرنے والے پی پی رہنما کو گرفتار کرلیا۔

اے آر وائی نیوز کے مطابق ایف آئی اے سائبر کرائم ونگ نے چیف جسٹس کے خلاف ہتک آمیزتقریر کرنے والے ملزم اور پاکستان پیپلزپارٹی کے مقامی رہنما مسعودالرحمان عباسی گرفتار کرلیا۔

ایف آئی اے حکام نے بتایا کہ ملزم کے موبائل سے دیگر رہنماؤں اور اراکین اسمبلی کو ویڈیوبھیجی گئی ہے۔

اس ضمن میں ایک رکن اسمبلی کو شامل تفتیش کیا گیا ہے جبکہ 4 ارکان قومی اسمبلی کو بیان قلمبند کرانےکیلئےنوٹس جاری کیا گیا ہے۔

رپورٹ کے مطابق پاکستان پیپلزپارٹی کے چاروں اراکین قومی اسمبلی سیشن کی وجہ سےپیش نہیں ہوئے۔

واضح رہے کہ پاکستان پیپلزپارٹی کے ضلع شرقی سے تعلق رکھنے والے رہنما مسعودالرحمان نے16جون کوکراچی میں چیف جسٹس کیخلاف تقریرکی تھی۔ بعد ازاں ملزم نے عدالت میں پیش ہوکر چیف جسٹس سے معافی بھی مانگی تھی جسے مسترد کردیا گیا تھا۔

ملزم مسعودالرحمان کے خلاف سائبرکرائم سرکل اسلام آبادمیں مقدمہ درج ہے۔

Comments

- Advertisement -