The news is by your side.

Advertisement

پاکستان کا ہر فرد افواج پاکستان کی طاقت ہے: ڈاکٹر نفیسہ شاہ

اسلام آباد: پاکستان پیپلز پارٹی کی سینئر رہنما نفیسہ شاہ نے کہا ہے کہ بھارتی وزیرِ اعظم مودی خوش فہمی کے شکار نہ ہوں، پاکستان کا ہر فرد افواج پاکستان کی طاقت ہے۔

پی پی رہنما ڈاکٹر نفیسہ شاہ کا کہنا ہے کہ قوم کا اتحاد اور اتفاق دشمنوں کے لیے واضح پیغام ہے، مودی سرکار خوش فہمی کا شکار نہ ہوں، پاکستان کا ہر فرد افواج پاکستان کی طاقت ہے۔

مودی کی جنگ جو ذہنیت سے خطے کا امن متاثر ہو رہا ہے۔

نفیسہ شاہ

نفیسہ شاہ نے کہا کہ ہم جنگ نہیں چاہتے مگر جارحیت کو برداشت نہیں کریں گے۔

پیپلز پارٹی کی رہنما کا کہنا تھا کہ بھارت کو چاہیے پاکستان کی امن کی دعوت نظر انداز نہ کرے، بھارتی جیل میں شاکراللہ کا قتل بھارتی شدت پسندی ہے، مودی کی جنگ جو ذہنیت سے خطے کا امن متاثر ہو رہا ہے۔

ڈاکٹر نفیسہ شاہ نے کہا کہ پاکستان او آئی سی میں جاتا تو بہتر تھا، ہمیں اپنا مؤقف ہر فورم پر بیان کرنا چاہیے۔

یہ بھی پڑھیں:  پاک بھارت کشیدگی، ایٹمی جنگ کے خطرناک اثرات کرہ ارض پر پڑیں گے، بین الاقوامی رپورٹ

خیال رہے کہ پاکستان نے او آئی سی سے مطالبہ کیا تھا کہ بھارت کو وزرائے خارجہ اجلاس میں مدعو نہ کیا جائے، بہ صورتِ دیگر پاکستان اجلاس میں شریک نہیں ہوگا۔

او آئی سی اجلاس میں پاکستان کی عدم شرکت کے باوجود بھارت پاکستان کے خلاف اپنے منفی پروپگینڈے میں ناکام رہا اور بین الاقوامی تنظیم نے بھارت کے خلاف قرارداد پاس کی۔

Comments

comments

یہ بھی پڑھیں