The news is by your side.

Advertisement

پنڈورا پیپرز کی تحقیقات، بڑا مطالبہ سامنے آگیا

اسلام آباد : پاکستان پیپلز پارٹی کے سینئر رہنما سینیٹر رضا ربانی نے پینڈورا پیپرز  کی تحقیقات حاضر سروس ججز کے فورم سے کرانے کا مطالبہ کردیا۔

تفصیلات کے مطابق پاکستان پیپلز پارٹی کے سینئر رہنما سینیٹر رضا ربانی نے پینڈورا پیپرز تحقیقات کے لیے سیل کو مسترد کرتے ہوئے کہا کہ پینڈورا پیپرز پرسیل کا اعلان اپنے دوستوں کے تحفظ کے لیے ہے،میاں رضاربانی

رضا ربانی کا کہنا تھا کہ وزیر اعظم کے معائنہ کمیشن کے پاس قانوناً تحقیقات یا نگرانی کا مینڈیٹ نہیں، مینڈیٹ نہ ہونے پر کوئی بھی کارروائی غیر قانونی ہو گی، ایف بی آر کو معاملہ بھجوانے کا فائدہ نہیں ، یہ ایک کور اپ ہے۔

رہنما پی پی نے کہا کہ ایف بی آر نے پاناما پیپرزمیں پہلے نوٹس کے بعد کچھ نہیں کیا تھا، حکومت کی اپنے ساتھیوں کے احتساب کی تاریخ بہت خراب ہے، چینی گندم اسکینڈل کی رپورٹس سرد خانے میں ڈال دی گئیں۔

ان کا کہنا تھا کہ پیٹرول اور صحت کے معاونین خصوصی نےقیمتیں بڑھنےپراستعفےدیے ، استعفے دیے گئے لیکن کوئی کارروائی نہیں ہوئی۔

رضا ربانی نے مطالبہ کیا کہ پینڈورا پیپرز پرتحقیقات حاضر سروس ججز سےعدالتی فورم پر کرائی جائیں۔

Comments

یہ بھی پڑھیں