پاکستان پیپلزپارٹی کی سینٹرل ایگزیکٹو کمیٹی کے اجلاس میں مولابخش چانڈیو نے اعتزازاحسن پر کڑی تنقید کی۔
ہیڈآف انویسٹی گیشن اے آروائی نیوز نعیم اشرف بٹ نے اپنے ذرائع کے حوالے سے بتایا کہ اجلاس میں مولابخش چانڈیو نے اعتزازاحسن کی جانب سے پارٹی پالیسیوں کو فالو نہ کرنے پر شکایت کی۔
مولابخش چانڈیو نے کہا کہ اعتزاز احسن پارٹی پالیسی کی خلاف ورزی کرتے ہیں اور پی ٹی آئی چیئرمین کو سپورٹ کرتے ہیں۔
جس پر جواب دیتے ہوئے اعتزاز احسن نے واضح کیا کہ ہمیشہ پارٹی کےساتھ رہا ہوں لیکن بعض معاملات میں اختلاف ہو سکتا ہے۔
ذرائع کا کہناہے کہ چیئرمین پیلزپارٹی بلاول بھٹو سینئر پارٹی رہنماؤں کے اختلاف پر دوٹوک کہا کہ مجھےکوئی اعتراض نہیں اور یہ کہہ کر معاملہ ختم کرا دیا۔ بلاول بھٹو نے پیغام دیا کہ مجھے کوئی شکایت نہیں تو کسی دوسرے کو بھی نہیں ہونی چاہیے۔
Comments
- Advertisement -
