The news is by your side.

Advertisement

اپوزیشن رہنماؤں کی گرفتاریاں، پیپلز پارٹی قیادت سر جوڑ کر بیٹھ گئی

کراچی: اپوزیشن رہنماؤں کی گرفتاریوں پر پیپلز پارٹی قیادت سر جوڑ کر بیٹھ گئی، بلاول بھٹوکی زیرِ صدارت پیپلز پارٹی کے سینئر رہنماؤں کا اجلاس منعقد ہوا۔

تفصیلات کے مطابق اپوزیشن رہنماؤں کی گرفتاریوں پر پاکستان پیپلز پارٹی کے چیئرمین بلاول بھٹو زرداری کی زیرِ قیادت سینئر رہنماؤں کا اہم اجلاس بلایا گیا۔

اجلاس میں 27 دسمبر کو گڑھی خدا بخش کے جلسے کی تیاریوں کا جائزہ بھی لیا گیا۔

پی پی اجلاس میں خورشید شاہ، قمر زمان کائرہ، قائم علی شاہ اور دیگر رہنماؤں نے شرکت کی۔

پیپلز پارٹی کے اجلاس میں اپوزیشن رہنماؤں نے گرفتاریوں پر تشویش کا اظہار کیا، اجلاس میں 27 دسمبر کو گڑھی خدا بخش کے جلسے کی تیاریوں کا جائزہ بھی لیا گیا۔

بلاول بھٹو زرداری نے اس موقع پر کہا کہ بے نظیر بھٹو کی برسی پر پورے ملک سے کارکنان کی شرکت کو یقینی بنایا جائے۔


یہ بھی پڑھیں:  مجھ سےاپوزیشن کےسات رہنماؤں نےاین آراومانگا ہے، ضرورت ہوگی تونام بھی بتاؤں گا،مرادسعید


خیال رہے کہ آج وزیرِ مملکت برائے مواصلات مراد سعید نے دعویٰ کیا ہے کہ ان سے اپوزیشن کے سات رہنماؤں نے این آر او مانگا ہے۔ ان کا کہنا تھا کہ ضرورت ہوگی تو نام بھی بتا دیں گے۔ مراد سعید نے کہا ’جس نے بھی عوام کا پیسا لوٹا اس کو ڈی چوک پر پھانسی دیں گے اور اس کے اثاثوں کی ڈی چوک پر نیلامی کی جائے۔‘

واضح رہے کہ شہباز شریف سیمت متعدد اپوزیشن رہنماؤں کے خلاف مقدمات قائم ہیں اور قومی احتساب بیورو کی جانب سے تفتیش کی جا رہی ہے، پیپلز پارٹی کے شریک چیئرمین آصف زرداری اور ان کی ہمشیرہ فریال تالپور کے خلاف بھی کیسز کی سماعت جاری ہے۔

Comments

comments

یہ بھی پڑھیں