ایک فرنٹ مین پکڑا گیا تو حکومت کی چیخیں نکل گئیں، قمر زمان کائرہ: ppp
The news is by your side.

Advertisement

ایک فرنٹ مین پکڑا گیا تو حکومت کی چیخیں نکل گئیں، قمر زمان کائرہ

کراچی: پاکستان پیپلز پارٹی کے مرکزی رہنماء قمر زمان کائرہ نے کہا ہے کہ ایک فرنٹ مین پکڑا گیا تو حکومت کی چیخیں نکل گئیں، ابھی پتہ نہیں کتنے بندے اور پکڑے جائیں گے۔

ان خیالات کا اظہار انہوں نے میڈیا سے بات چیت کرتے ہوئے کیا، احد چیمہ کی گرفتار سے متعلق قمر زمان کائرہ کا کہنا تھا کہ ابھی تو ایک بندہ پکڑا گیا ہے آگے دیکھیں کیا ہوتا ہے۔

انہوں نے کہا کہ یہ اسمبلیوں میں نیب کے خلاف قانون بنانے لگے ہیں، نیب جب پیپلز پارٹی پر مقدمات بنا رہی تھی تو بہت اچھی تھی، لیکن اب حکومت کے خلاف کارروائیاں کی جارہی ہیں تو ان کی چیخیں نکل رہی ہیں۔

میاں صاحب، ابھی آپ کی اور بھی چوریاں پکڑی جائیں گی: قمر زمان کائرہ

رہنماء پی پی کا کہنا تھا کہ شریف خاندان اپنی مرضی کی عدالتیں اور جے آئی ٹیز چاہتے ہیں، حدیبیہ میں شہباز شریف کے حق میں فیصلے پر عدالت بہت اچھی تھی، لیکن جب فیصلے مرضی کے خلاف آئیں تو عدالت بری ہوگئی۔

قمر زمان کائرہ نے کہا کہ میاں صاحب آپ کا منطقی انجام آگیا ہے، اب ڈرامے نہیں چلیں گے، قوم آپ سے ایک ایک پائی کا حساب مانگے گی، نیب کے خلاف قوانین بنانے سے کچھ نہیں ہوگا آپ نے اب قوم کو حساب دینا ہے۔

نواز شریف نظام کو ڈی ریل کرنا چاہتے ہیں: قمر زمان کائرہ

تحریک انصاف کی پارٹی قیادت پر تنقید کرتے ہوئے ان کا کہنا تھا کہ خان صاحب صرف خواب دیکھتے ہیں، کہتے ہیں کرپشن ختم کردوں گا لیکن تمام پارٹیوں سے کرپٹ افراد کو آپ نے اپنی پارٹی میں جگہ دے رکھی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں