The news is by your side.

Advertisement

تحریک انصاف پیپلز پارٹی کی مزید 2 وکٹیں گرانے کیلئے تیار

اسلام آباد: پاکستان تحریک انصاف پیپلزپارٹی کی مزید 2وکٹیں گرانے کیلئے تیاری ہے، پیپلزپارٹی کے رہنماؤں معظم جتوئی اور عامر وارن نے پی ٹی آئی میں شمولیت کا فیصلہ کرلیا ہے۔

تفصیلات کے مطابق پیپلزپارٹی کے دونوں رہنماء معظم جتوئی اور عامروارن نے جہانگیرترین سے ملاقات کی، جس میں انہوں نے عمران خان کی قیادت پر اعتماد کااظہار کرتے ہوئے پی ٹی آئی میں شمولیت کا فیصلہ کیا۔

دونوں رہنما کچھ دیرمیں جہانگیرترین کے ہمراہ بنی گالہ جائیں گے، جہاں وہ پی ٹی آئی میں شمولیت کا باقاعدہ اعلان کریں گے۔

خیال رہے کہ معظم جتوئی مظفرگڑھ سے ایم این اے اور وزیرمملکت برائے خوراک رہ چکے ہیں جبکہ عامر وارن 2008 میں بہاولپور سے ایم این اے رہ چکے ہیں۔


مزید پڑھیں : بابراعوان کا تحریک انصاف میں شمولیت کا اعلان


یاد رہے گذشتہ ماہ پیپلزپارٹی کے سینیٹر اور سابق وزیر قانون ڈاکٹر بابر اعوان نے تحریک انصاف میں شمولیت کا اعلان کیا تھا، بابر اعوان کا کہنا تھا کہ پاکستان کا اگلا وزیر اعظم عمران خان ہوگا۔

واضح رہے کہ چند روز قبل پیپلز پارٹی کی سابق رکن قومی اسمبلی اور وفاقی وزیر ڈاکٹر فردوس عاشق اعوان، پیپلزپارٹی کے سینئر رہنما نذر گوندل اور پیپلز پارٹی کے رہنما نور عالم بھی پی ٹی آئی میں شمولیت اختیار کر چکے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں