کراچی : پیپلزپارٹی کے رکن اسمبلی علی نواز شاہ اور ساتھیوں کو ضمانت پر رہا کردیا گیا۔
سندھ ہائیکورٹ کے دو رکنی بینچ نے علی نواز شاہ اور ساتھیوں کی درخواستوں کی سماعت کی، رکن سندھ اسمبلی اور ان کے ساتھیوں کا کہنا تھا کہ انھیں سزا سیاسی بنیادوں پر دی گئی، سزا دیتے وقت قانونی تقاضے پورے نہیں کئے گئے۔
عدالت نے فریقین کے وکلاء کے دلائل سننے کے بعد رکن سندھ اسمبلی علی نواز شاہ، امتیاز شاہ اور خادم علی شاہ کی ضمانت منظور کرلی اور فی کس پانچ پانچ لاکھ روپے کے مچلکے جمع کرانے کا حکم دیا ۔
عدالت نے نیب کورٹ کی جانب سے علی نوازشاہ کو دی گئی سزا بھی کالعدم قرار دے دی گئی ہے۔
یاد رہے کہ نیب کورٹ نے بدعنوانی کے الزام میں علی نواز شاہ کو پانچ سال قید اور جرمانے کی سزا سنائی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں