اسلام آباد (04 اکتوبر 2025): پاکستان پیپلز پارٹی قومی اسمبلی اجلاس میں کورم کی نشان دہی پر نیوٹرل رہے گی۔
ذرائع پی پی کے مطابق ن لیگ، پیپلز پارٹی کے تحفظات دور کرنے میں تاحال ناکام ہے، اور پی پی نے اسمبلی میں اس کے ساتھ تعاون کو تحفظات کی دوری سے مشروط کرنے کا فیصلہ کیا ہے۔
ذرائع کا کہنا ہے کہ پارلیمنٹ میں حکومت سے عدم تعاون کی پالیسی جاری رہے گی، پی پی ذرائع کے مطابق پی پی پارلیمنٹ کے اجلاسوں میں علامتی شرکت کرے گی، اور سینیٹ اور قومی اسمبلی کی قانون سازی میں حصہ نہیں لے گی۔
ذرائع کے مطابق پیپلز پارٹی اسمبلی اجلاس میں کورم کی نشان دہی پر نیوٹرل رہے گی، اور سینیٹ اور قومی اسمبلی میں کورم پورا کرنے کی ذمہ دار حکومت ہوگی۔ سینیٹ اور قومی اسمبلی کے اجلاس 6 اکتوبر کو دوبارہ ہوں گے۔
پیپلز پارٹی کا پارلیمنٹ میں حکومت سے تعاون نہ کرنے کا فیصلہ، ذرائع
پی پی ذرائع کا کہنا ہے کہ حکومت اور پیپلز پارٹی کے درمیان مسلسل رابطے جاری ہیں، حکومت اور پی پی کے مذاکرات میں جلد بریک تھرو کا امکان ہے۔
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔