The news is by your side.

Advertisement

کشمیریوں سے اظہار یک جہتی: پیپلز پارٹی کا 6 ستمبر کو کراچی میں ریلی کا اعلان

کراچی: کشمیریوں سے اظہار یک جہتی کے لیے پیپلز پارٹی نے 6 ستمبر کو ٹاور سے پریس کلب تک ریلی نکالنے کا اعلان کر دیا.

اس ضمن میں تفصیلات فراہم کرتے ہوئے پی پی رہنما سعید غنی نے کہا کہ بلاول بھٹو نے جہاں جہاں موقع ملا، کشمیر کامقدمہ رکھا.

ان کا کہنا تھا کہ مقبوضہ کشمیر کے حالات ماضی سے مختلف ہیں، بھارتی جارحیت پر اقوام متحدہ کی خاموشی لمحہ فکریہ ہے، پی پی اور بلاول بھٹو ہر فورم پر یہ مقدمہ ہڑ رہے ہیں.

پی پی 6 ستمبر کو کراچی میں ریلی نکالیں گی، مقبوضہ کشمیر میں بھارتی مظالم کو اجاگر کرنا چاہیے، سیاسی جماعتوں کی قیادت کو ریلی میں شرکت کی دعوت دیتے ہیں.

مزید پڑھیں: مودی سن لو ! پاک فوج تیار ہے ، ہم اینٹ کاجواب پتھر سے دیں گے ، وزیراعظم عمران خان

اس موقع پر انھوں نے حکومت پر تنقید کرتے ہوئے مزید موثر اقدامات کا مطالبہ کیا.

خیال رہے کہ ٓج  وزیر اعظم عمران خان کی اپیل پر ملک بھر میں پاکستان کے کروڑوں عوام کشمیریوں سے فقیدالمثال یک جہتی کا مظاہرہ کیا گیا۔

بارہ بجے سائرن بجتے ہی قومی ترانے کے بعد کشمیرکا ترانہ پڑھاگیا۔ ٹریفک سگنلز بندہوگئے،ٹرینز بھی رک گئیں،فضائی حدود بھی بندرہی۔

Comments

comments

یہ بھی پڑھیں