پیپلز پارٹی کی پارلیمانی پارٹی کا اجلاس کل طلب، اہم فیصلے ہوں گے: PPP
The news is by your side.

Advertisement

پیپلز پارٹی کی پارلیمانی پارٹی کا اجلاس کل طلب، اہم فیصلے ہوں گے

کراچی: پاکستان پیپلزپارٹی کی پارلیمانی پارٹی کا اجلاس کل طلب کر لیا گیا، اجلاس میں اہم فیصلے اور اعلانات کیے جائیں گے۔

تفصیلات کے مطابق پی پی کی پارلیمانی پارٹی کا اجلاس کل سہہ پہر تین بجے کراچی میں طلب کیا گیا ہے، اجلاس کی صدارت بلاول بھٹو زرداری کریں گے۔

بلاول ہاؤس میں ہونے والے اجلاس میں نومنتخب ارکان سندھ اسمبلی شرکت کریں گے، اجلاس میں نئے وزیراعلیٰ اور اسپیکر وڈپٹی اسپیکر کے ناموں کا بھی اعلان کیا جائے گا۔

اجلاس میں موجودہ ملکی سیاسی صورتحال اور مختلف سیاسی جماعتوں سے ہونے والی مشاورت پر پارٹی کے نومنتخب ارکان کو اعتماد میں لیا جائے گا اور ان کی مشاورت سے آئندہ کا لائحہ تیار کیا جائے گا۔


انتخابات مسترد، بلاول کا ڈٹ کر اپوزیشن کرنے کا اعلان


قبل ازیں گذشتہ دنوں بھی پیپلز پارٹی کی پارلیمانی کمیٹی کا اہم اجلاس بلاول ہاؤس کراچی میں ہوا تھا، اجلاس کی سربراہی چیئرمین پیپلز پارٹی بلاول بھٹو زرداری نے کی تھی۔

خیال رہے کہ مذکورہ اجلاس میں حالیہ الیکشن میں منتخب ہونے والے ارکان قومی و صوبائی اسمبلی سمیت فریال تالپور اور اہم پارٹی رہنما نے بھی شرکت کی تھی۔

بعد ازاں پیپلز پارٹی کے رہنماؤں نے موقف اختیار کیا تھا کہ قومی اور سندھ اسمبلی میں پیپلز پارٹی ایک نئے جذبے کے ساتھ میدان میں اترے گی۔

یاد رہے کہ کل ہونے والے اجلاس میں سندھ حکومت اور قومی اسمبلی میں اپوزیشن کا کردار ادا کرنے سے متعلق پارٹی اہداف بھی طے کیے جائیں گے۔

Comments

comments

یہ بھی پڑھیں