وفاقی حکومت نے بجٹ کے معاملے پر پیپلزپارٹی سے ایک بار پھر رابطہ کرلیا ہے۔
ذرائع کا کہنا ہے کہ حکومت اور پیپلزپارٹی کے درمیان بجٹ کے معاملے پر آج ملاقات طے پاگئی ہے، حکومت اور پی پی وفد میں ملاقات آج رات ایوان صدر میں ہونے کا امکان ہے۔
ملاقات کے دوران وفاقی بجٹ اور ترقیاتی منصوبوں پر مشاورت ہوگی۔
ذرائع کا کہنا ہے کہ صدر آصف زرداری، حکومت اور پی پی مذاکراتی ٹیم نشست میں موجود ہوں گے، بلاول بھٹو، مراد علی، پرویز اشرف، نوید قمر، شیریں رحمان شریک ہوں گے۔
نائب وزیراعظم اسحاق ڈار، وزیر خزانہ محمد اورنگزیب، احسن اقبال ملاقات میں شرکت کریں گے۔
وزیراعظم شہباز شریف کا بھی حکومتی اور پی پی وفد کی ملاقات میں شرکت کا امکان ہے جبکہ بلاول بھٹو مذاکرات میں شرکت سے قبل صدر زرداری سے ملاقات کریں گے۔
