The news is by your side.

Advertisement

پیپلز پارٹی کے رکن کو اسپیکر قومی اسمبلی سے بدتمیزی مہنگی پڑ گئی

اسلام آباد: پاکستان پیپلز پارٹی کے رکن قومی اسمبلی قادر مندوخیل کے قومی اسمبلی کے احاطے میں داخلے پر پابندی لگ گئی۔

تفصیلات کے مطابق آج اسپیکر قومی اسمبلی اسد قیصر کی زیر صدارت مجلس شوریٰ کا اجلاس منعقد ہوا، جس میں قادر مندوخیل پر قومی اسمبلی کے احاطے میں داخلے پر پابندی لگا دی گئی۔

ایم این اے قادر مندوخیل پر پابندی گزشتہ روز ایوان میں غیر پارلیمانی رویے پر عائد کی گئی، قادر مندوخیل پر پابندی 19 نومبر کے اجلاس کے لیے ہوگی۔

اسپیکر نے یہ کارروائی قواعد و ضوابط اور مشترکہ اجلاس رولز پر تفویض اختیارات کے تحت کی، اس سلسلے میں قومی اسمبلی کے سیکریٹری شعبہ قانون سازی کی جانب سے قادر مندوخیل کو ایک خط بھی جاری کر دیا گیا ہے۔

دوسری طرف عوامی نیشنل پارٹی نے اسپیکر اسد قیصر سے مستعفی ہونے کا مطالبہ کر دیا ہے، ثمر ہارون بلور نے کہا کہ کل پاکستان کا ایک سیاہ ترین دن تھا، اسپیکر قومی اسمبلی کا کردار انتہائی متنازع رہا۔

انھوں نے کہا کہ مشترکہ اجلاس میں اسپیکر قومی اسمبلی اسد قیصر غیر جانب دار نہیں رہے، اسپیکر نے جو گنتی کی وہ بھی انتہائی انمول طریقے سے ہوئی۔

Comments

یہ بھی پڑھیں