The news is by your side.

Advertisement

ریلی کے بہترین انتظامات، آصف زرداری کی وزیراعلیٰ سندھ کو مبارکباد

لندن : سابق صدر آصف علی زرداری نے کراچی میں ریلی کے بہترین انتظامات پر وزیراعلیٰ سندھ مراد علی شاہ کو مبارکباد دیتے ہوئے کہا کہ آپ اچھا کام کر رہے ہیں، عوام کی خدمت ایسے ہی کرتے رہیں۔

تفصیلات کے مطابق سابق صدر آصف علی زرداری نے وزیراعلیٰ سندھ کو ٹیلی فون کیا اور کراچی میں سلام شہداء ریلی کے بہترین انتظامات پر وزیراعلیٰ سندھ مراد علی شاہ کومبارکباد دی۔

آصف علی زرداری نے وزیراعلیٰ سندھ سے کہا کہ آپ صوبے میں گڈ گورنس کیلئے اچھا کام کررہے ہیں، آپ کی پی پی جیالوں، سندھ کے عوام کی خدمت قابلِ تحسین ہے۔


مزید پڑھیں : پیپلزپارٹی کی سلام شہداء ریلی کی تیاریاں مکمل، جیالے پرجوش


سابق صدر آصف علی زرداری کا کہنا تھا کہ سندھ میں تر قیاتی کاموں کو مزید تیز کیا جائے، عوام کی ایسے ہی خدمت کرتے رہیں۔

اس سے قبل پیپلزپارٹی کے شریک چیئرمین اور سابق صدر آصف علی زرداری نے وزیر اعلیٰ سندھ سید مراد علی شاہ اور بلاول بھٹو زرداری سے ٹیلی فون پر رابطہ کر کے کامیاب ریلی کے انعقاد پر مبارک باد پیش کی تھی ۔

آصف علی زدرادی اور چیئرمین پیپلزپارٹی بلاول بھٹو  کے درمیان ٹیلی فونک بات چیت میں سابق صدر نے کہا کہ ’’آج کی کامیاب ریلی نے 2007 کی یاد تازہ کردی اور عوام نے بڑی تعداد میں شرکت کر کے مخالفین کو خاموش کروادیا ہے۔


مزید پڑھیں : آصف علی زرداری کا بلاول کو فون، کامیاب ریلی پر مبارک باد


علاوہ ازیں سابق صدر نے وزیر اعلیٰ سندھ سید مراد علی شاہ سے بھی ٹیلی فون پر رابطہ کر کے ریلی کے لیے کیے جانے والے بہترین انتظامات پر شاباش دی اور اُن کی کابینہ پر اطمینان کا اظہار بھی کیا۔

Comments

comments

یہ بھی پڑھیں