کراچی: مشیر اطلاعات سندھ مرتضیٰ وہاب نے آصف علی زرداری کا نام ایگزٹ کنٹرول لسٹ میں ڈالنے کی شدید مذمت کی ہے.
[bs-quote quote=” پیپلزپارٹی کے خلاف ماضی میں بھی اس قسم کی کارروائیاں ہوتی رہی ہیں” style=”style-7″ align=”left” author_name=”مرتضیٰ وہاب”][/bs-quote]
تفصیلات کے مطابق وفاقی وزیر اطلاعات فواد چوہدری کی پریس کانفرنس پر ردعمل دیتے ہوئے مرتضیٰ وہاب نے کہا کہ پیپلزپارٹی کے خلاف ماضی میں بھی اس قسم کی کارروائیاں ہوتی رہی ہیں.
یاد رہے کہ وفاقی وزیر اطلاعات نے اعلان کیا تھا کہ جعلی اکاؤنٹس کیس میں مشترکہ تحقیقاتی ٹیم (جے آئی ٹی) کے نامزد 172 لوگوں کے نام ایگزٹ کنٹرول لسٹ میں ڈالے جائیں گے.
مزید پڑھیں: حکومت کا آصف علی زرداری کا نام ای سی ایل میں ڈالنے کا فیصلہ
اس ضمن میں مرتضیٰ وہاب کا کہنا تھا کہ پیپلزپارٹی عدالتوں میں کیسزکا سامنا کرے گی، ماضی میں بھی ایسا ہی کیا.
انھوں نے کہا کہ آج محترمہ کی برسی ہے، ایک اہم دن ہے، اس کے باوجود وفاقی حکومت نے ایسی کارروائی کی، اب بلاول بھٹو کا نام بھی ای سی ایل میں ڈالنے کی کوشش کی جارہی ہے.
مرتضیٰ وہاب نے کہا کہ آصف زرداری سابق صدر رہے ہیں، ان کے ساتھ ایسا رویہ افسوس ناک ہے، اس کی مذمت کرتے ہیں.
