آلائشوں کو ٹھکانے لگانے اور صفائی پر توجہ دی جارہی ہے، سعید غنی saeed ghani
The news is by your side.

Advertisement

آلائشوں کو ٹھکانے لگانے اور صفائی پر توجہ دی جارہی ہے، سعید غنی

کراچی: وزیر بلدیات سندھ اور پیپلزپارٹی رہنما سعید غنی نے کہا ہے کہ آلائشوں کو ٹھکانے لگانے اور صفائی پر توجہ دی جارہی ہے، میئر کراچی بھی ہم سے رابطے میں ہیں، جہاں ہماری ضرورت پڑ رہی ہے وہاں مدد کررہے ہیں۔

ان خیالات کا اظہار انہوں نے کراچی کے مختلف علاقوں کے دورے کے موقع پر میڈیا سے گفتگو کرتے ہوئے کیا، سعید غنی نے کہا کہ تمام اداروں سے رابطے میں ہیں، شکایات پر فوری طور پر آلائشوں کو اٹھایا جارہا ہے۔

وزیر بلدیات سندھ سعید غنی نے ضلع شرقی اور ملیر کے مختلف علاقوں میں فراہمی و نکاسی آب کا جائزہ لیا، وزیر بلدیات نے تعینات افسران و عملہ کی علاقوں میں موجودگی چیک کی، سعید غنی کے ہمراہ قائم مقام ایم ڈی واٹر بورڈ اسد اللہ ودیگر حکام بھی موجود ہیں۔

پیپلزپارٹی رہنما سعید غنی نے کہا کہ پانی کی فراہمی اور نکاسی آب بلا تعطل جاری رکھا جائے، واٹر بورڈ کی تمام تنصیبات پر عملہ موجود رہنا چاہئے۔

دوسری جانب قائمقام واٹر بورڈ اسد اللہ نے کہا کہ واٹر بورڈ کے تمام شکایات مراکز کھلے ہوئے ہیں، شہریوں کی شکایات کا ازالہ کیا جارہا ہے۔

مزید پڑھیں: وزیرِ بلدیات سعید غنی کا بیان افسوس ناک ہے، میئر کراچی وسیم اختر

واضح رہے گزشتہ روز میئر کراچی وسیم اختر کا کہنا تھا کہ عید کے تینوں دن بلدیاتی نمائندے سڑکوں پر ہوں گے، وہ خود بھی علاقوں کا دورہ کرتے رہیں گے۔ انھوں نے سعید غنی کو مخاطب کر کے کہا ’ہم نے پلان ترتیب دے دیا، آپ کو پریشان ہونے کی ضرورت نہیں۔‘

Comments

comments

یہ بھی پڑھیں