ماضی میں کراچی میں لگنے والی آگ کو نواز شریف نے ایندھن دیا، سعید غنی -
The news is by your side.

Advertisement

ماضی میں کراچی میں لگنے والی آگ کو نواز شریف نے ایندھن دیا، سعید غنی

کراچی: پیپلز پارٹی کے سینئر رہنماء سعید غنی نے کہا ہے کہ سند یافتہ چور نواز شریف آج کراچی آئے ان کے ماتھے پر قصور کے معصوم بچوں کی فریادوں کے داغ تھے۔

وہ سابق وزیراعظم نواز شریف کی کراچی میں تاجربرادری کی تقریب میں کی گئی تقریر پر رد عمل دے رہے تھے، سعید غنی کا کہنا تھا کہ ماضی میں کراچی میں لگنے والی آگ کو نواز شریف نے ایندھن دیا۔

انہوں نے کہا کہ نواز شریف اپنے کیے کی سزا بھگت رہے ہیں، (ن) لیگ کو ملنے والے بھاری مینڈیٹ کے راز فاش ہوچکے ہیں، ان کی حکومت ڈوب چکی اب بی بی کا بیٹا طلاع ہورہا ہے۔

جوسلوک وزرائے اعظم کے ساتھ کیا گیا ایسا جنوبی ایشیا میں نہیں ہوا، نوازشریف

سعید غنی کا کہنا تھا کہ نواز شریف نے لاہور کے پوش علاقے دیکھے ہیں پسماندہ نہیں، انہوں نے بی بی شہید کی سیاست سے بے دخلی کے لیے سازشیں کی، جام صادق، لیاقت جتوئی، غوث شاہ کیسے وزیر اعلیٰ بنے؟۔

خیال رہے کراچی میں تاجر برادری سے خطاب کرتے ہوئے نوازشریف کا کہنا تھا کہ ’سندھ میں 10 سال سے حکومت کرنے والوں نے کراچی کو کچھ نہیں دیا بلکہ شہر کو گندگی کے ڈھیر میں تبدیل کردیا، یہاں کی تباہی کی قصور وار صوبائی حکومت ہے‘۔

انہوں نے یہ بھی کہا تھا کہ مجھ سے پہلے یوسف رضا گیلانی کو نکلا گیا، جنوبی ایشیا میں ایسا سلوک کسی وزیراعظم کے ساتھ نہیں ہوا جو ہمارے ساتھ ہوا‘۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئرکریں۔

Comments

comments

یہ بھی پڑھیں