کراچی: وزیر اطلاعات سندھ سعید غنی نے قومی ٹیم کے سابق کپتان محمد حفیظ کو وزیراعظم عمران خان کی حمایت میں ٹویٹ کرنے پر جواب دے دیا۔
واضح رہے کہ قومی اسمبلی میں ڈپٹی اسپیکر کی جانب سے اپوزیشن کی تحریک اعتماد کو مسترد کیے جانے کے بعد قومی ٹیم کے سابق کپتان محمد حفیظ نے ٹویٹ کیا۔
اس معاملے پر محمد حفیظ نے خوشی کا اظہار کرتے ہوئے وزیراعظم کی تعریف کرتے ہوئے لکھا کہ ’عمران خان ہمیشہ سے ایک حقیقی لیجنڈ ہیں۔‘
محمد حفیظ کے ٹویٹ پر پی پی رہنما سعید غنی نے بھی سوشل میڈیا پر انہیں جواب دیتے ہوئے لکھا کہ ’کرکٹ کھیلو ملک سے مت کھیلو۔‘
کرکٹ کھیلو، ملک سے مت کھیلو https://t.co/sMrTUNZSGz
— Senator Saeed Ghani (@SaeedGhani1) April 3, 2022
واضح رہے کہ گزشتہ روز قومی اسمبلی کے اہم اجلاس کی صدارت کرتے ہوئے ڈپٹی اسپیکر قاسم سوری نے وزیرِ اعظم عمران خان کے خلاف اپوزیشن کی تحریکِ عدم اعتماد کی قرار داد مسترد کر دی۔
بعد ازاں وزیراعظم عمران خان کی تجویز پر صدر مملکت ڈاکٹر عارف علوی نے قومی اسمبلی تحلیل کر دی تھی جبکہ عمران خان نے پارٹی ارکان کے اعزاز میں دیے گئے عشائیے میں کہا تھا کہ اپوزیشن کو ابھی تک سمجھ ہی نہیں آ رہی کہ ان کے ساتھ کیا ہوا ہے۔
