پیر, فروری 10, 2025
اشتہار

پیپلز پارٹی چار مطالبات پر سیاست نہ کرے، مریم اورنگزیب

اشتہار

حیرت انگیز

اسلام آباد : وزیرِ مملکت مریم اورنگزیب کا کہنا ہے کہ پیپلزپارٹی طے شدہ طریقہ کار کے تحت اپنے مطالبات منوائے ، جس کے لیے پارلیمنٹ موجود ہے لہذا چار مطالبات پر سیاست نہ کی جائے۔

وزیرِ مملکت برائے اطلاعات و نشریات اسلام آباد میں میڈیا سے گفتگو کر رہی تھیں انہوں نے کہا کہ جائز مطالبات ہوں گے تو ان پر پارلیمنٹ میں بات کی جائے گی۔

انہوں نے کہا کہ پیپلز پارٹی اپنے چار مطالبات کی منظوری کے لیے پارلیمنٹ سے رجوع کرے وہی فورم ہے جہاں سیاسی امور اور انتظامی معاملات پر بات چیت کی جا سکتی ہے۔

وزیرِ مملکت نے کہا کہ ملک جھوٹ ، کنٹینر کی سیاست اور الزامات کا متحمل نہیں ہوسکتا، جھوٹےالزامات کی سیاست کے باوجود ملکی ترقی کے لیے کوشاں ہیں۔

مریم اورنگزیب نے مزید کہا کہ گزشتہ تین سال سے قوم کو سیران کے پیچھے لگا رکھا ہے جس سے نہ صرف یہ کہ معزز عدالت کا وقت ضائع ہوا بلکہ قوم کو بھی کنفیوزن کا شکار بنائے رکھا۔

وزیرِ مملکت نے کہا کہ اپوزیشن حکومت کے ترقیاتی منصوبوں میں اس کا ساتھ دے تا کہ عوام کو سہولیات فراہم کی جا سکیں بجائے اس کہ انتشار کی سیاست کر کے قوم کا وقت اور سرمایہ برباد کیا جائے ۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں