site
stats
پاکستان

پیپلزپارٹی نے قائد ایم کیوایم کے خلاف قومی اسمبلی میں مذمتی قرارداد جمع کرادی

اسلام آباد: پیپلزپارٹی نے قائد ایم کیوایم کے خلاف قومی اسمبلی میں مذمتی قرارداد جمع کرادی،جس میں مطالبہ کیا گیا ہے کہ تقریر سننے والوں کے خلاف بھی کارروائیکی جائے۔

تفصیلات کے مطابق اسلام آباد میں قومی اسمبلی کی قائمہ کمیٹی قانون و انصاف کا اجلاس منعقد ہوا جس میں پیپلزپارٹی اراکین نے پاکستان مخالف تقریر کرنے پر قائد ایم کیوایم کے خلاف مذمتی قرارداد جمع کرائی گئی۔

پیپلز پارٹی کی جانب سے ایم کیوایم کے قائد کے خلاف قومی اسمبلی میں قرارداد جمع کرائی جانے والی قرارداد پر پیپلز پارٹی کے تمام اراکین کے دستخط موجود تھے، قرارداد کے متن کے مطابق ایوان بانی ایم کیوایم کے پاکستان مخالف بیان کی مذمت کرتا ہے،ایم کیوایم بانی اور ان کی تقریر سننے والوں کیخلاف بھی کارروائی کی جائے۔

قرار داد میں کہا گیا ہے کہ بھارت اور اسرائیل سے مدد مانگنا شرمناک ہے، قرارداد میں مزید کہا گیا کہ میڈیا ہاؤسز کو نشانہ بنانا قابل مذمت ہے، میڈیا ہاؤسز پر حملے کیلئے اکسانے کی مذمت کرتے ہیں۔

قرارداد میں ایم کیو ایم قائد کے خلاف آرٹیکل 6 اور 17 بی کے تحت کارروائی کا مطالبہ کیا گیا ہے، بعد ازاں قائمہ کمیٹی میں ایم کیو ایم قائد کی پاکستان مخالف تقریر کیخلاف مذمتی قرارداد منظور کرلی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top