پیپلزپارٹی آج صادق آباد میں عوامی قوت کا مظاہرہ کرے گی -
The news is by your side.

Advertisement

پیپلزپارٹی آج صادق آباد میں عوامی قوت کا مظاہرہ کرے گی

صادق آباد: صوبہ پنجاب کے شہر صادق آباد میں پیپلزپارٹی آج سیاسی قوت کا مظاہرہ کرے گی، شریک چیئرمین آصف علی زرداری جلسے سے خطاب کریں گے۔

تفصیلات کے مطابق پاکستان پیپلزپارٹی نے صادق آباد کے علاقے نوازآباد میں عوامی طاقت کا مظاہرہ کرنے کے لیے پنڈال سجا لیا۔

سابق صدر اور پیپلزپارٹی کے شریک چیئرمین آصف علی زرداری، وزیراعلیٰ سندھ مراد علی شاہ اور رکن اسمبلی ملک ممتاز چانگ سمیت دیگر رہنما جلسے سے خطاب کریں گے۔

آصف علی زرداری اور سید مراد علی شاہ بھونگ بھی جائیں گے جہاں وہ سابق ایم پی اے رئیس ابراہیم کے مہمان ہوں گے۔

پورا پاکستان پیپلزپارٹی کا قلعہ بنے گا‘ آصف علی زرداری


یاد رہے کہ دو روز قبل سکھر میں پیپلزپارٹی کے51 ویں یوم تاسیس کی تقریب سے خطاب کرتے ہوئے سابق صدر آصف علی زرداری کا کہنا تھا کہ پاکستان پیپلزپارٹی کا قلعہ بنے گا۔

سابق صدر کا کہنا تھا کہ بھٹوکا نام آج بھی ہےاور کل بھی رہے گا، پورا پاکستان اس پارٹی کا قلعہ بنے گا، کچھ طاقتیں پاکستان کو توڑنا چاہتی ہیں۔

Comments

comments

یہ بھی پڑھیں