کراچی: وزیر اعظم پر استعفیٰ کے لیے دباؤ بڑھانے کے غرض سے پیپلز پارٹی نے کراچی تا اسلام آباد ٹرین مارچ پر غور شروع کردیا۔
تفصیلات کے مطابق پاناما کیس میں جے آئی ٹی رپورٹ سامنے آنے کے بعد اپوزیشن جماعتوں نے وزیراعظم پر استعفیٰ کےلیے دباؤ بڑھانا شروع کردیا ہے۔
ذرائع نے بتایا ہے کہ پیپلز پارٹی کے رہنماؤں نے اپنی قیادت کو تجویز دی ہےکہ کراچی تا اسلام آباد گو نواز گو ٹرین مارچ کیا جائے، اس بڑے مظاہرے کے ذریعے نواز شریف پر استعفیٰ کے لیے دباؤ بڑھایا جائے۔
تجویز میں کہا گیا ہے کہ ٹرین مارچ کے آغاز پر سندھ میں اور اختتام پر اسلام آباد میں بلاول بھٹو خطاب کریں۔
اطلاعات ہیں کہ بلاول بھٹو سمیت پارٹی قیادت نے تجویز پر غور شروع کردیا ہے تاہم ابھی اس تجویز کو منظور نہیں کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں