لاہور: پیپلزپارٹی کی تقریب میں جیالے گتھم گتھا ہوگئے -
The news is by your side.

Advertisement

لاہور: پیپلزپارٹی کی تقریب میں جیالے گتھم گتھا ہوگئے

لاہور : پیپلز پارٹی کی تقریب بدنظمی کی شکارہو گئی، اسٹیج پر جانے کی کوشش میں جیالے آپس میں الجھ پڑے۔

تفصیلات کے مطابق لاہور میں پیپلز پارٹی رہنماؤں کی جانب سے چیئرمین بلاول بھٹو زرداری کے اعزاز میں افطار ڈنر کا اہتمام کیا گیا،اس موقع پر اسٹیج کے قریب جانے کی کوششوں میں جیالوں کے درمیان جھگڑا ہوگیا۔

ہرجیالا وی آئی پی جگہ پہنچنے کی کوشش میں لگا رہا، بلاول کی تقریر کے بعد ایک کارکن نے اپنے قائد سے ملنے کی خواہش کا اظہار کیا اورآگے بڑھنے کی کوشش کی، منتظمین نے جیالے کو اپنے قائد سے ملنے نہیں دیا۔

جس پر جیالا اور منتظمین سیخ پا ہوگئے، جھگڑے میں کسی کے کپڑے پھٹے تو کسی کو گھونسے اور کسی کو لاتیں کھانی پڑیں۔

رہنماﺅں نے صورت حال کو قابو کرنے کی کوشش کی لیکن وہ بھی جیالوں کے جلال کو قابو نہ کرسکے۔ ہنگامہ چیئرمین بلاول بھٹو زرداری کی تقریب سے واپسی کےبعد ہوا۔

Comments

comments

یہ بھی پڑھیں