پیپلزپارٹی کا مولانا فضل الرحمان سے باضابطہ معذرت کا فیصلہ
The news is by your side.

Advertisement

اعتزاز احسن ہی صدارتی امیدوار ہوں‌ گے، پیپلزپارٹی ڈٹ گئی، مولانا فضل الرحمان سے معذرت کا فیصلہ

اسلام آباد: پیپلزپارٹی نے صدارتی انتخابات سے متعلق مولانافضل الرحمان سے باضابطہ معذرت کا فیصلہ کر لیا.

تفصیلات کے مطابق آج آصف زرداری کی زیرصدارت پیپلزپارٹی کا مشاورتی اجلاس ہوا، جس میں‌ تمام ارکان کی جانب سے اعتزازاحسن کا نام واپس لینے کی مخالفت کی گئی.

پی پی اجلاس میں فیصلہ کیا گیا کہ اعتزاز احسن کا نام واپس نہیں لیا جائے گا، مولانا فضل الرحمان سے باضابطہ معذرت کر لی جائے.

یاد رہے کہ صدارتی انتخابات 4 ستمبر کو ہوگا. پی ٹی آئی کی نے عارف علوی کو نامزد کیا ہے، البتہ اپوزیشن متفقہ امیدوار لانے کی کوششوں میں تاحال کامیاب نہیں‌ ہوسکی.

مزید پڑھیں: فضل الرحمان کو بتا دیا کہ ان کی حمایت نہیں کرسکتے: فرحت اللہ بابر

پیپلزپارٹی کی جانب سے اعتراز احسن کا نام سامنے آیا تھا، جس کی ن لیگ کی جانب سے مخالفت کی گئی اور مطالبہ کیا گیا کہ اعتراز احسن پہلے نواز شریف سے اپنے سابق بیانات پر معافی مانگیں.

متفقہ امیدوار کے معاملے میں ڈیڈ لاک پیدا ہونے پر ن لیگ کی جانب سے مولانا فضل الرحمان کو امیدوار نامزد کیا گیا، البتہ حمایت کے لیے مولانا فضل الرحمان آصف علی زرداری کے درمیان ہونے والی ملاقات بے نتیجہ رہی.

پیپلزپارٹی کے آج ہونے والے اجلاس کے بعد فیصلہ کیا گیا کہ اعتزاز احسن ہی پارٹی کے امیدوار ہوں‌ گے.

Comments

comments

یہ بھی پڑھیں